اسلام آباد (قدرت روزنامہ)گیس کے بحران پر مسلم لیگ نون کے رہنما مفتاح اسماعیل اور وفاقی وزیر حماد اظہر کے درمیان سماجی رابطے کی ویب سائٹ ٹوئٹر پر نوک جھونک ہوئی ہے۔مفتاح اسماعیل کا اپنے ٹوئٹ میں کہنا ہے کہ پی ٹی آئی حکومت مسلسل چوتھے موسمِ سرما میں گیس کی فراہمی میں ناکام رہی ہے۔
One debate between you and NAB too. As you failed to import even half of the LNG cargoes that we are importing with the same terminals. And burnt more than 4 times of FO than the PTI govt because you failed to utilise LNG terminals to even 50%. https://t.co/cKGBIc7ERv
— Hammad Azhar (@Hammad_Azhar) December 9, 2021
انہوں نے سوشل میڈیا پر تجویز دی ہے کہ گیس کے بحران کے معاملے پر حماد اظہر اور شاہ زیب خانزادہ میں بحث ہونی چاہیے۔مفتاح اسماعیل کا یہ بھی کہنا ہے کہ ایک بحث شوکت ترین اور حماد اظہر میں بھی کرائی جائے کیونکہ شوکت ترین گیس کی بات کرتے ہیں۔
وفاقی وزیر حماد اظہر کا جوابی ٹوئٹ میں کہنا ہے کہ ایک بحث مفتاح اسماعیل اور نیب میں بھی کروائی جائے۔حماد اظہر کا مفتاح اسماعیل سے مخاطب ہو کر یہ کہنا ہے کہ آپ کے دور میں 50 فیصد کم ایل این جی آئی، فرنس آئل 4 گنا زیادہ خرچ ہوا۔
