فواد اور ماہرہ کی نئی فلم کب ریلیز ہوگی؛ تاریخ سامنے آگئی

اسلام آباد (قدرت روزنامہ)پاکستانی فلم نیلوفر کے مرکزی اداکاروں اور پروڈیوسر فواد خان نے کراچی کے فرئیر ہال میں پریس کانفرنس کے دوران اعلان کیا ہے کہ یہ فلم 28 نومبر کو پاکستان سمیت بیرونِ ملک سینما میں ریلیز ہو گی۔
فواد خان نے پریس کانفرنس میں کہا کہ اس فلم پر پانچ سال سخت محنت کی گئی ہے، اور پہلی بار بطور پروڈیوسر اس اسکرپٹ کو پڑھ کر قبول کرنے کا فیصلہ کیا۔
ما ہرا خان نے کہا کہ پروجیکٹ میں شرکت کی دعوت فواد خان نے دی، اور ہاں میں بھی اس کہانی سے بہت متأثر تھیں۔
عتیقہ اودھو نے اداکاری کے ماضی کے تجربات شیئر کرتے ہوئے کہا کہ فخر محسوس کرتی ہوں کہ ہمسفر کا خاندان دوبارہ نیلوفر کے ذریعے متحد ہوا ہے، مگر ماضی کے کچھ لیجنڈ اداکاروں کی مالی مشکلات پر افسوس ہے جنہیں ملک کی سینما صنعت کی کمی کی وجہ سے مشکلات کا سامنا کرنا پڑا۔
سرورت گیلانی نے کہا کہ یہ فلم کسی جلد بازی کا نتیجہ نہیں بلکہ آہستہ اور سوچ سمجھ کے ساتھ بنائی گئی ہے، اور ممکنہ سرمایہ کاروں سے اپیل کی کہ وہ پاکستانی فلم انڈسٹری کو موقع دیں۔
فواد نے فلم کے ساؤنڈ ٹریک کی بھی تعریف کی، اور کہا کہ ڈائریکٹر عمار رسول کا حساس انداز نے موسیقی کو زندگی بخشی ہے۔ کاسٹ نے گانے ‘جا رہے’ کو اپنا پسندیدہ ٹریک قرار دیا۔
واضح رہے کہ اس فلم کے ذریعے فواد خان بطور پروڈیوسر اپنا پہلا قدم بھی رکھ رہے ہیں۔ فلمی حلقوں کے مطابق نیلوفر پاکستانی سینما میں ایک نئی تازگی اور نرمی لے کر آئے گی، جب کہ شائقین بےچینی سے اس کے ریلیز ہونے کا انتظار کر رہے ہیں۔