اسمبلی میں جو لوگ بیٹھے ہیں، ان کی بیویاں، بچے اور خاندان والے بھی انہیں ایم این اے نہیں مانتے،یہ شکست خوردہ لوگ ہیں، اسد قیصر

اسلام آباد (قدرت روزنامہ) پی ٹی آئی رہنما اسد قیصر کا کہنا ہے ہم صرف یہ چاہتے ہیں کہ ملک کو قانون اور آئین کے مطابق چلایا جائے۔ اس ملک کو ہم نے کسی ضابطے کے تحت چلانا ہے۔
انہوں نے کہا میں یہ پوچھنا چاہتا ہوں کہ 26ویں اور 27ویں ترمیم میں ایک بھی ایسی شق بتا دیں جو عوام کے لیے ہو، جس سے مہنگائی، پیٹرول اور گیس کی قیمتیں کم ہوئی ہوں، یا جس سے اشیائے خوردونوش کی قیمتیں کم ہوئی ہوں۔ ملک میں جو بھی ترمیم ہوتی ہے، اس کا فائدہ اشرافیہ کو ہی دیا جاتا ہے۔
اسد قیصر نے مزید کہا اسمبلی میں جو لوگ بیٹھے ہیں، ان کی بیویاں، بچے اور خاندان والے بھی انہیں ایم این اے نہیں مانتے؛ یہ شکست خوردہ لوگ ہیں۔ یہ اسٹیبلشمنٹ کے آلۂ کار بنے ہوئے ہیں، وہی خدمات انجام دے رہے ہیں، کیونکہ انہیں معلوم ہے کہ یہی لوگ انہیں دوبارہ اسمبلی میں لائیں گے۔

ہم صرف یہ چاہتے ہیں کہ ملک کو قانون اور آئین کے مطابق چلایا جائے۔ اس ملک کو ہم نے کسی ضابطے کے تحت چلانا ہے۔ میں یہ پوچھنا چاہتا ہوں کہ 26ویں اور 27ویں ترمیم میں ایک بھی ایسی شق بتا دیں جو عوام کے لیے ہو، جس سے مہنگائی، پیٹرول اور گیس کی قیمتیں کم ہوئی ہوں، یا جس سے اشیائے… pic.twitter.com/7vatQrc8we

— Asad Qaiser (@AsadQaiserPTI) November 21, 2025