پیپلز پارٹی نے خورشید شاہ ، ندیم افضل کے ذریعے پی ٹی آئی کو حکومت بنانیکی پیشکش کی تھی ، مصدق ملک

اسلام آباد (قدرت روزنامہ)مسلم لیگ (ن) کے رہنما اور وفاقی وزیر مصدق ملک نے انکشاف کیا ہے کہ پیپلز پارٹی نے خورشید شاہ اور ندیم افضل چن کے ذریعے پی ٹی آئی کو حکومت بنانے کی پیشکش کی تھی۔
نجی چینل سے گفتگو کے دوران مصدق ملک کا کہنا تھا کہ پیپلز پارٹی کے رہنما خورشید شاہ نے پی ٹی آئی کو فون کرکے کہا تھا کہ ہم آپ کو ووٹ دیتے ہیں آپ حکومت بنا لیں لیکن پی ٹی آئی نے خورشید شاہ کے ذریعے دی گئی پیشکش کو ٹھکرادیا تھا۔
انہوں نے مزید کہا کہ ندیم افضل چن بھی پی ٹی آئی کے پاس گئے اور کہا کہ پیپلز پارٹی آپ کو بلامشروط سپورٹ کرتی ہے آئیے آپ حکومت بنائیں لیکن پی ٹی آئی نے یہ پیشکش بھی ٹھکرا دی۔
مصدق ملک نے کہا کہ پی ٹی آئی حکومت بھی نہیں بنانا چاہتی اور چلانا بھی نہیں چاہتی اور نہ ہی چلنے دینا چاہتی ہے تو آخر چاہتی کیا ہے؟۔