چیف آف ڈیفنس فورسز فیلڈ مارشل سید عاصم منیر کا لیبیا کا سرکاری دورہ، دفاعی تعاون پر تبادلہ خیال
لیبیا:چیف آف ڈیفنس فورسز فیلڈ مارشل سید عاصم منیر نے لیبیا کا سرکاری دورہ کیا جہاں پاکستان اور لیبیا کے درمیان دفاعی تعاون بڑھانے پر اتفاق کیا گیا۔
آئی ایس پی آر کے مطابق لیبیا کے آرمی چیف فیلڈ مارشل خلیفہ بلقاسم حفتر اور ڈپٹی کمانڈر ان چیف لیفٹیننٹ جنرل صدام خلیفہ حفتر سے ملاقات میں باہمی دلچسپی کے امور، علاقائی سلامتی کے مسائل اور دفاعی اور فوجی تعاون کو مزید بڑھانے کے مواقع پر تبادلہ خیال کیا گیا۔
دونوں ممالک نے تربیت، صلاحیت سازی اور دہشتگردی کے خلاف تعاون کی اہمیت پر زور دیا۔ فیلڈ مارشل سید عاصم منیر نے پاکستان کی لیبیا کے ساتھ دفاعی تعلقات مضبوط کرنے کے عزم کو دہرایا۔
Field Marshal Syed Asim Munir, NI (M), HJ, COAS & CDF, who is on a official visit to Libya, called on Field Marshal Khalifa Belqasim Haftar, Commander-in-Chief of the Libyan Arab Armed Forces and Lieutenant General Saddam Khalifa Haftar, Deputy Commander-in-Chief of the LAAF. pic.twitter.com/myXRN1j7kO
— Media Talk (@mediatalk922) December 18, 2025
فیلڈ مارشل خلیفہ حفتر نے پاکستانی افواج کی پیشہ ورانہ مہارت کی تعریف کی اور دونوں ممالک کے درمیان دفاعی تعاون کو مزید بڑھانے کی خواہش کا اظہار کیا۔
فیلڈ مارشل سید عاصم منیر کے استقبال کے موقع پر لیبیا کے مسلح افواج کے چاق چوبند دستے نے گارڈ آف آنر پیش کیا۔
