غیر ملکی شہری کی اسلام آباد میں سرعام خواتین کے ساتھ نامناسب حرکت، ویڈیو وائرل
اسلام آباد(قدرت روزنامہ)وفاقی دارالحکومت کے سیکٹر ایف-10 مرکز میں ایک غیر ملکی شہری کی خواتین کے ساتھ مبینہ نامناسب رویّے کی ویڈیو سوشل میڈیا پر وائرل ہو گئی ہے۔
وائرل ویڈیو میں دیکھا جا سکتا ہے کہ مبینہ طور پر ایک چینی شخص چند برقعہ پوش خواتین کو عوامی مقام پر سگریٹ پیش کر رہا ہے۔ اس واقعے نے شہری حلقوں میں شدید تشویش پیدا کر دی ہے اور عوامی اخلاقیات اور قوانین کی پاسداری کے حوالے سے سوالات کو جنم دیا ہے۔
چائنیز کو پاکستان میں جرائم کرنے کی کھلم کھلا چھٹی کیوں دے دی گئی ہے؟
وفاقی دارالحکومت اسلام آباد میں ایک چائنیز کرمنل برقعہ پوش مسلمان خواتین کو سرعام F-10 مرکز میں سگریٹ پیش کر رہا ہے
کوئی ان چائنیز کو پٹہ ڈالنے والا نہیں؟
کوئی پاکستانی چاہینہ میں کسی خاتون کو سگریٹ/نشہ آفر… pic.twitter.com/z3erDwTYCE
— Israr Ahmed Rajpoot (@ia_rajpoot) December 29, 2025
سوشل میڈیا صارفین کا کہنا ہے کہ اگر کوئی پاکستانی شہری اسی طرح کا رویّہ اختیار کرتا تو فوری قانونی کارروائی عمل میں آتی، اس لیے غیر ملکی شہریوں کے بارے میں بھی بلا امتیاز کارروائی کی توقع کی جانی چاہیے۔
کچھ صارفین نے اس بات پر زور دیا کہ غیر ملکی شہری پاکستان کے کلچر اور قوانین کا احترام کریں جبکہ دیگر نے اس شخص کی گرفتاری اور قانونی کارروائی کا مطالبہ بھی کیا ہے۔
