لڑکا رات 2 بجے گرلز ہاسٹل میں کیسے اور کیوں پہنچا؟ لڑکیاں خوفزدہ؛ جانیں قائد اعظم یونیورسٹی کا چونکا دینے والا واقعہ

اسلام آباد (قدرت روزنامہ)قائد اعظم یونیورسٹی اسلام آباد کے گرلز ہاسٹل میں سیکیورٹی سے متعلق ایک تشویشناک واقعہ پیش آیا ہے جس نے طالبات میں خوف اور بے چینی پیدا کر دی ہے۔ رات گئے ایک نامعلوم شخص کے گرلز ہاسٹل میں داخل ہونے کا انکشاف ہوا ہے جس پر طالبات نے سخت ردعمل دیتے ہوئے فوری اور شفاف کارروائی کا مطالبہ کیا ہے۔
ذرائع کے مطابق یہ واقعہ گزشتہ رات تقریباً دو بجے پیش آیا جب ایک نامعلوم شخص کو گرلز ہاسٹل کے واش رومز میں دیکھا گیا۔ موقع پر موجود افراد نے بروقت کارروائی کرتے ہوئے مذکورہ شخص کو قابو میں لے لیا۔

#بڑی #خبر

اسلام آباد کی قائد اعظم یونیورسٹی کے گرلز ہاسٹل میں نامعلوم شخص گھس گیا

نامعلوم شخص، جوکہ گزشتہ رات دو بجے گرلز ہاسٹل کے واش رومز میں پایا گیا ، کو پکڑ لیا گیا ہے

طالبات انتظامیہ سے اس واقعے کے خلاف فوری کارروائی کا مطالبہ کر دیا

زرائع مطابق یونیورسٹی انتظامیہ اس… pic.twitter.com/y3udve2HmC

— Israr Ahmed Rajpoot (@ia_rajpoot) January 4, 2026

طالبات کا کہنا ہے کہ یہ واقعہ یونیورسٹی انتظامیہ کی سیکیورٹی میں واضح غفلت کا ثبوت ہے۔ انہوں نے الزام عائد کیا ہے کہ انتظامیہ اس حساس معاملے کو دبانے کی کوشش کر رہی ہے جس سے طالبات میں مزید تشویش پائی جاتی ہے۔
دوسری جانب ذرائع کا کہنا ہے کہ واقعے کی سنگینی کے پیشِ نظر اسلام آباد پولیس نے معاملے کی باضابطہ تفتیش شروع کر دی ہے۔ پولیس مختلف پہلوؤں سے واقعے کا جائزہ لے رہی ہے تاکہ اصل حقائق سامنے آ سکیں۔
متاثرہ طالبات نے مطالبہ کیا ہے کہ واقعے میں ملوث افراد کے خلاف سخت کارروائی کی جائے اور گرلز ہاسٹل کی سیکیورٹی کو فوری طور پر بہتر بنایا جائے تاکہ آئندہ ایسے واقعات سے بچا جا سکے۔