وزیر اعظم کی زیرصدارت اجلاس میں گیس بحران کی بازگشت، حکومتی ارکان بھی بول پڑے

اسلام آباد (قدرت روزنامہ) وزیر اعظم کی زیرصدارت پارٹی ترجمانوں اور رہنمائوں کے اجلاس میں بھی گیس بحران کی بازگشت سنی گئی اور حکومتی ارکان بھی بول پڑے ۔روزنامہ جنگ میں رانا غلام قادر کی خبر کے مطابق ملک میں توانائی کی تازہ صورتحال، گیس کی قلت اور حکومتی اقدامات کا جائزہ لیا گیا۔وزیر توانائی حماد اظہر نے وزیراعظم عمران خان اور شرکا کو بریف کیا۔ ذرائع کے مطابق شرکاء نے کہا کہ ملک میں گیس نہیں ہے گھریلو اور صنعتی صارفین سب ہی احتجاج کر رہے ہیں۔ گورنرسندھ عمران اسماعیل بھی وزیر توانائی کے رویے پر نالاں نظر آ

ئے۔انہوں نے وزیراعظم سے کہا کہ حماد اظہر ہمارا فون تک نہیں سنتے وزیراعظم سے رابطہ آسان ہے لیکن ان سے مشکل۔ حماد اظہر نے جواب دیا کہ آپ کو ہر روز میسج کرتا ہوں۔گورسندھ نے کہا کہ لگتا ہےآپ کسی غلط نمبر پر میسج کرتے ہیں۔