سانحہ گل پلازہ: نویں روز بھی ملبے سے انسانی باقیات برآمد، ڈی این اے سے 15 افراد کی شناخت

کراچی (قدرت روزنامہ)سانحہ گل پلازہ میں ریسکیو اور سرچ آپریشن نویں روز میں داخل ہو چکا ہے، جہاں ملبہ ہٹانے کے دوران تیسرے فلور سے مزید انسانی باقیات برآمد ہوئی ہیں۔ ریسکیو اہلکاروں کا کہنا ہے کہ عمارت کے مختلف حصوں میں تاحال تلاش کا عمل جاری ہے۔
میڈیا رپورٹ کے مطابق برآمد ہونے والی انسانی باقیات کو شناخت کے عمل کے لیے ڈی این اے ٹیسٹ کی غرض سے سول اسپتال منتقل کر دیا گیا ہے، جہاں قانونی کارروائی مکمل کی جا رہی ہے۔
پولیس سرجن ڈاکٹر سُمعیہ طارق نے بتایا ہے کہ اب تک مجموعی طور پر 71 لاشیں اور انسانی اعضا اسپتال لائے جا چکے ہیں۔ ان کے مطابق 22 جاں بحق افراد کی شناخت مکمل ہو چکی ہے، جن میں سے 6 لاشیں ظاہری شناخت کے قابل تھیں جبکہ 15 افراد کی شناخت ڈی این اے رپورٹس کے ذریعے ممکن ہوئی۔
ڈاکٹر سُمعیہ طارق کے مطابق ایک متاثرہ شخص کی شناخت قومی شناختی کارڈ کی مدد سے کی گئی ہے، جب کہ دیگر لاشوں کی شناخت کے لیے لواحقین کے نمونے حاصل کیے جا رہے ہیں۔
دوسری جانب پولیس حکام کا کہنا ہے کہ سانحہ گل پلازہ کا مقدمہ سرکاری مدعیت میں درج کر لیا گیا ہے۔ میڈیا رپورٹ کے مطابق یہ مقدمہ نبی بخش تھانے میں نامعلوم افراد کے خلاف درج کیا گیا ہے، جس میں غفلت اور لاپروائی کی دفعات شامل کی گئی ہیں۔
دوسری جانب پولیس حکام کا کہنا ہے کہ سانحہ گل پلازہ کا مقدمہ سرکاری مدعیت میں درج کر لیا گیا ہے۔ میڈیا رپورٹ کے مطابق یہ مقدمہ نبی بخش تھانے میں نامعلوم افراد کے خلاف درج کیا گیا ہے، جس میں غفلت اور لاپروائی کی دفعات شامل کی گئی ہیں۔
دوسری جانب پولیس حکام کا کہنا ہے کہ سانحہ گل پلازہ کا مقدمہ سرکاری مدعیت میں درج کر لیا گیا ہے۔ میڈیا رپورٹ کے مطابق یہ مقدمہ نبی بخش تھانے میں نامعلوم افراد کے خلاف درج کیا گیا ہے، جس میں غفلت اور لاپروائی کی دفعات شامل کی گئی ہیں۔
پولیس کے مطابق واقعے کی مکمل تحقیقات جاری ہیں اور ذمہ داروں کے تعین کے بعد مزید قانونی کارروائی عمل میں لائی جائے گی۔