شیخ زاہد ہسپتال کوئٹہ میں بیگم کلثوم نواز پیڈ کارڈیالوجی ونگ کا سنگِ بنیاد، گورنر بلوچستان نے مریم نواز کے اقدام کو سراہا

**کوئٹہ (قدرت روزنامہ):** گورنر بلوچستان **جعفر خان مندوخیل** نے کہا ہے کہ **شیخ زاہد ہسپتال کوئٹہ** میں **بیگم کلثوم نواز پیڈز کارڈیالوجی بلوچستان** کا سنگِ بنیاد رکھنا ایک نیک اقدام ہے، جو وزیراعلیٰ پنجاب **مریم نواز** کی جانب سے عوام کے لیے ایک فراخدلانہ تحفہ ہے۔
گورنر بلوچستان نے کہا کہ اس منصوبے سے صوبے کے عوام، بالخصوص معاشی طور پر ناآسودہ افراد، کے دہلیز پر معیاری صحت کی سہولیات میسر آئیں گی اور یہ بلوچستان میں صحت کی دیکھ بھال کے بنیادی ڈھانچے اور خدمات کو بہتر بنانے کے لیے عوام دوست عزم کی عکاسی کرتا ہے۔
انہوں نے کہا کہ وزیر اعلیٰ پنجاب کے اس خصوصی تعاون کو ہمیشہ یاد رکھا جائے گا، کیونکہ یہ اقدام بے شمار مریضوں کے لیے راحت کا باعث بنے گا اور یہاں کے مخیر حضرات کو غریب و نادار لوگوں کی خدمت کی ترغیب بھی دے گا۔
اس موقع پر پاکستان مسلم لیگ (ن) پارلیمنٹرینز اور ڈاکٹرز و پیرامیڈیکل اسٹاف بھی موجود تھے۔