بابر اعظم کی وجہ سے عہدے سے استعفیٰ دیا، محمد یوسف

لاہور(قدرت روزنامہ)قومی کرکٹ ٹیم کے سابق مایہ ناز بلے باز اور سابق کپتان محمد یوسف نے انکشاف کیا ہے کہ انہیں بابر اعظم کی وجہ سے عہدے سے استعفیٰ دینا پڑا۔
قومی ٹیم کے سابق کپتان محمد یوسف نے انکشاف کیا کہ ایک وقت میں جب بابر اعظم فارم میں نہیں تھے تو انہوں نے بابر کو ریسٹ دینے کی تجویز دی تو سب ان کے خلاف ہو گئے، ’سب کہتے تھے بابر کو باہر کریں گے، بابر کو ریسٹ دیں گے‘۔ آخرکار میں نے کہا کہ میں استعفیٰ دے دیتا ہوں، آپ کر لیں جو کرنا ہے۔
سابق کپتان نے کہا کہ بابر اعظم کی بیٹنگ تکنیک خراب ہو چکی ہے اور تین سال سے وہ مستقل رنز نہیں بنا پا رہے تھے۔ میں نے کہا کہ اسے ریسٹ دیں، اکیڈمی میں اس کی تکنیک پر کام کیا جائے گا تو وہ واپس آ جائے گا۔

Mohammad Yousaf "I had to resign because of Babar Azam. The moment I dared to suggest resting Babar, everyone suddenly turned against me" #Cricket pic.twitter.com/SuurEMB7BU

— Saj Sadiq (@SajSadiqCricket) February 19, 2026

سابق کپتان نے انکشاف کیا کہ ان کا استعفیٰ ابتدائی طور پر قبول نہیں کیا گیا تھا، لیکن انہوں نے تیسری بار استعفیٰ دے دیا۔
واضح رہے کہ اس سے قبل محمد یوسف نے بھارت سے شکست کے بعد قومی اسکواڈ پر تنقید کرتے ہوئے کہا تھا کہ بابر اعظم، شاہین شاہ آفریدی اور شاداب خان کا وقت گزر چکا ہے اور ٹیم کو نئے کھلاڑیوں کی ضرورت ہے، پاکستان کے ٹی ٹوئنٹی اسکواڈ کو کمزور ٹیموں کے خلاف خالی جیت کی نہیں بلکہ نئے پرفارمرز کی ضرورت ہے۔