سلطان محمد خان کا گاڑی کو ریورس چلا کر طویل ترین ریمپ جمپ ، گنیز ورلڈ ریکارڈ نے اعزاز تسلیم کرلیا
اسلام آباد (قدرت روزنامہ)سلطان محمد خان نے ایک منفرد کارنامہ انجام دیتے ہوئے گنیز ورلڈ ریکارڈ میں اپنا نام درج کرا لیا ہے۔
گنیز ورلڈ ریکارڈز کے مطابق سلطان محمد خان نے گاڑی کو ریورس میں چلاتے ہوئے 37.10 میٹر (121.71 فٹ) طویل ریمپ جمپ مکمل کر کے دنیا کا نیا ریکارڈ قائم کیا۔
یہ کارنامہ طویل ترین ریورس ریمپ جمپ بذریعہ کار کے زمرے میں انجام دیا گیا، جسے باضابطہ طور پر گنیز ورلڈ ریکارڈز نے تسلیم کرلیا
Longest reverse ramp jump by car – 37.10 metres (121.71 ft) and was achieved by Sultan Muhammad Khan (Pakistan) pic.twitter.com/drzMEQDh15
— Guinness World Records (@GWR) March 2, 2026
سلطان محمد خان کی اس کامیابی کو سوشل میڈیا پر بھی بھرپور پذیرائی مل رہی ہے، جہاں صارفین پاکستانی نوجوان کی مہارت اور جرات کو سراہ رہے ہیں۔
ماہرین کے مطابق اس نوعیت کا اسٹنٹ انتہائی مہارت، درست رفتار اور مکمل کنٹرول کا تقاضا کرتا ہے، جس کے باعث یہ ریکارڈ غیر معمولی اہمیت رکھتا ہے۔
