باکسنگ کی اپنی تھرل ہے، ڈر کبھی نہیں لگتا، مزہ آتا ہے، نیشنل ویمن باکسنگ چیمپئن ندا زریں
نجی ٹی وی چینل سے گفتگو کرتے ہوئے ندا زریں کا کہنا تھا کہ باکسنگ کی شروعات انہوں نے اپنی فٹنس کو بہتر بنانے اور اسٹرنتھ کے لیے کی لیکن پھر اس قدر شوق پیدا ہوا کہ اپنے والدین کے منع کرنے کے باوجود بھی باکسنگ کھیلنے لگی . ندا زریں کا کہنا تھا کہ انہوں نے سعودیہ اور برطانیہ میں رہائش کے دوران مختلف کھیلوں کے مقابلوں میں حصہ لیا جن میں سوئمنگ، فٹ بال، باسکٹ بال اور ایتھلیٹکس شامل ہیں لیکن پھر باکسنگ کا شوق اس قدر بڑھ گیا کہ اس کو مستقل بنا لیا . ندا زریں کہتی ہیں ان کے والدین چاہتے تھے میں کھیلوں لیکن باکسنگ نہ کھیلوں، ویمن باکسنگ چیمپئن شپ میں حصہ لیا اچھا لگا لیکن مجھے اندازہ بھی نہیں تھا کہ میں نیشنل چیمپئن شپ کا ٹائٹل جیتوں گی . نیشنل باکسنگ چیمپئن کا کہنا تھا کہ خواتین کو اس ہی طرح کی سپورٹ کی ضرروت ہے ، اگر انہیں متحرک رکھا گیا تو پاکستانی خواتین بین الاقوامی سطح پر ملک کا نام روشن کریں گے اور اپنے ملک کے لیے بین الاقوامی ٹائٹل جیتیں گی . ندا زریں کا مزید کہنا تھا کہ میرا اب یہی ہدف ہے کہ میں بین الاقوامی مقابلوں میں حصہ لوں اور ملک کا نام روشن کروں . . .
