اسلام آباد (قدرت روزنامہ)پاکستان کی نیشنل ویمن باکسنگ چیمپئن ندا زریں کہتی ہیں کہ انہیں باکسنگ میں مزہ آتا ہے کیونکہ اس کی اپنی ہی تھرل ہے، ڈر کبھی نہیں لگتا۔ندا زریں پاکستانی عورتوں کے لیے ایک مثال ہیں جو دو بچوں کی ماں بھی ہیں لیکن انہوں نے نجی زندگی کی تمام مصروفیات کے ساتھ خوب پریکٹس کی اور نیشنل ویمن باکسنگ چیمپئن کا اعزاز اپنے نام کیا اور مستقبل میں وہ بین الاقوامی سطح پر پاکستان کی نمائندگی کرنے کی خواہش رکھتی ہیں۔
نجی ٹی وی چینل سے گفتگو کرتے ہوئے ندا زریں کا کہنا تھا کہ باکسنگ کی شروعات انہوں نے اپنی فٹنس کو بہتر بنانے اور اسٹرنتھ کے لیے کی لیکن پھر اس قدر شوق پیدا ہوا کہ اپنے والدین کے منع کرنے کے باوجود بھی باکسنگ کھیلنے لگی۔
ندا زریں کا کہنا تھا کہ انہوں نے سعودیہ اور برطانیہ میں رہائش کے دوران مختلف کھیلوں کے مقابلوں میں حصہ لیا جن میں سوئمنگ، فٹ بال، باسکٹ بال اور ایتھلیٹکس شامل ہیں لیکن پھر باکسنگ کا شوق اس قدر بڑھ گیا کہ اس کو مستقل بنا لیا۔
ندا زریں کہتی ہیں ان کے والدین چاہتے تھے میں کھیلوں لیکن باکسنگ نہ کھیلوں، ویمن باکسنگ چیمپئن شپ میں حصہ لیا اچھا لگا لیکن مجھے اندازہ بھی نہیں تھا کہ میں نیشنل چیمپئن شپ کا ٹائٹل جیتوں گی۔نیشنل باکسنگ چیمپئن کا کہنا تھا کہ خواتین کو اس ہی طرح کی سپورٹ کی ضرروت ہے ، اگر انہیں متحرک رکھا گیا تو پاکستانی خواتین بین الاقوامی سطح پر ملک کا نام روشن کریں گے اور اپنے ملک کے لیے بین الاقوامی ٹائٹل جیتیں گی۔
ندا زریں کا مزید کہنا تھا کہ میرا اب یہی ہدف ہے کہ میں بین الاقوامی مقابلوں میں حصہ لوں اور ملک کا نام روشن کروں۔
خضدار(قدرت روزنامہ)خضدارعید کی چھٹیوں کا سن کر مہنگائی کاجن بوتل سے باہر آگئی ہے گران…
تربت(قدرت روزنامہ)لاپتہ افراد کے لواحقین کے کیمپ کو سات دن مکمل آج پریس کانفرنس کریں…
کوئٹہ(قدرت روزنامہ)بی ایس او (پجار) کے سابق مرکزی جوائنٹ سیکرٹری نعیم بلوچ نے اپنے بیان…
بولان(قدرت روزنامہ)بلوچستان کے علاقے بولان میںباپ نے ساتھیوں سے ساتھ مل کر بیٹی کو سیاہ…
بیلہ(قدرت روزنامہ)بلوچستان کے علاقے بیلہ سے ایک لاش برآمد ہوئی ہے۔زرائع کے مطابق بلوچستان کے…
کوہلو(قدرت روزنامہ)کوہلو کے علاقے سفید کی رہائشی نور حسین والد حاجی جمالدین کنگرانی مری نے…