آزاد کشمیر انتخابات ; کشمیری عوام نے عمران خان کو اپنا پسندیدہ ترین لیڈر قرار دے دیا
آزاد کشمیر انتخابات میں گیلپ سروے کی عوامی رجحان پر مبنی سروے رپورٹ جاری کردی گئی ہے . گیلپ پاکستان کے سروے میں تحریک انصاف کو سب سے مقبول جماعت قرار دیا گیا . میڈیا رپورٹ کے مطابق رپورٹ میں کہا گیا کہ پی ٹی آئی 44 فیصد حمایت کے ساتھ کشمیریوں کی سب سے پسندیدہ جماعت ہے جبکہ مسلم لیگ ن 12 فیصد اور پاکستان پیپلزپارٹی کو صرف 9 فیصدعوام کی حمایت حاصل ہیں . گیلپ سروے کے مطابق مسلم لیگ ن اورپاکستان پیپلزپارٹی کومشترکہ طورپرصرف 21 فیصدعوام کی حمایت حاصل ہے جبکہ پاکستان تحریک انصاف تنہا 44 فیصد حمایت حاصل کرنے میں کامیاب ہوگئی . گیلپ سروے میں کشمیری عوام نےعمران خان کواپنا پسندیدہ ترین لیڈرقراردے دیا ہے ، آزاد کشمیر کی 67 فیصد عوام نےعمران خان کواپنا پسندیدہ لیڈرقراردیا . سروے کے مطابق پاکستان پیپلز پارٹی چئیرمین بلاول بھٹو 49، مسلم لیگ ن کے صدر شہبازشریف 48 فیصدحمایت حاصل کرسکے جبکہ مسلم لیگ ن کی مرکزی نائب صدر مریم نوازکوصرف 44 فیصد لوگوں کی حمایت حاصل ہوئی . سروے کے مطابق کشمیری عوام کی اکثریت کی رائے میں 25 جولائی الیکشن شفاف ہوں گے . واضح رہے کہ آزاد کشمیر قانون ساز اسمبلی کے انتخابات کل ہوں گے جبکہ آج پولنگ کا سامنا تقسیم کیا جا رہا ہے . آزاد کشمیر کے عام انتخابات میں 7 سو سے زائد امیدوار میدان میں ہیں . 32 لاکھ سے زائد ووٹرز اپنا حق رائے دہی استعمال کریں گے جبکہ 45 حلقوں میں سے 12 حلقوں میں کانٹے کا مقابلہ ہو گا . . .
