پاکستان میں آج ڈالر اور دیگر کرنسیوں کی قیمت

اسلام آباد(قدرت روزنامہ) پاکستان میں منگل کے روز انٹر بینک مارکیٹ میں پاکستانی روپے میں معمولی بہتری دیکھنے میں آئی، امریکی ڈالر کی قدر 279.15 روپے ریکارڈ کی گئی ۔
پاکستان میں آج ڈالر سمیت دیگر کرنسیوں کی قیمت ذیلی سطور میں درج ہے۔ اسٹیٹ بینک آف پاکستان کی رپورٹ کے مطابق امریکی ڈالر کی نئی قیمت 279.15 روپے ہے جو گزشتہ روز کے مقابلے میں ایک پیسہ کم ہے اور رواں سال 2026 کی کم ترین سطح ہے۔

Interbank closing #ExchangeRatefor todayhttps://t.co/ve2x44nZQz#sbpexchangerate pic.twitter.com/xFK5KyNrlz

— SBP (@StateBank_Pak) March 31, 2026

امریکی ڈالر
مارکیٹ ذرائع کے مطابق اکتوبر سے جاری ریٹ 279 سے 282 روپے کی حد میں ہی کاروبار ہوتا رہا، برآمد کنندگان 279.60 سے اوپر ڈالر فروخت کر رہے ہیں جبکہ پیٹرولیم درآمد کنندگان 279.10 سے کم سطح پر خریداری کر رہے ہیں۔
برطانوی پاؤنڈ
برطانوی پاؤنڈ کی قیمت کم ہو کر 368.75 روپے ہوگئی، جو گزشتہ روز 369.64 روپے تھی۔ ماہرین کے مطابق ٹیکسٹائل برآمد کنندگان چھ ماہ کے لیے تقریباً 370 روپے کی سطح پر ہیجنگ یعنی نقصان سے تحفظ کیلیے اقدامات کر رہے ہیں۔
خلیجی کرنسیاں
سعودی ریال 74.40 روپے، یو اے ای درہم 76.01 روپے اور قطری ریال 76.59 روپے پر ٹریڈ ہوئے۔ ایکسچینج کمپنیوں کے مطابق عمرہ سیزن سے قبل زائرین کی جانب سے ریال کی طلب میں اضافہ دیکھا جا رہا ہے۔
دیگر اہم کرنسیاں
کویتی دینار 909.42 روپے، آسٹریلوی ڈالر 191.40 روپے اور کینیڈین ڈالر 200.23 روپے پر ریکارڈ کیے گئے۔
یورو 320.13 روپے، جاپانی ین 1.75 روپے، سوئس فرانک 348.99 روپے جبکہ چینی یوآن 40.41 روپے پر برقرار رہا۔
مارکیٹ کا رجحان اور زرِمبادلہ کے ذخائر
ماہرین کے مطابق زرمبادلہ مارکیٹ میں استحکام برقرار ہے اور شرح تبادلہ بنیادی معاشی عوامل کے بجائے تکنیکی بنیادوں پر حرکت کر رہی ہے۔
پاکستان کے زرِمبادلہ ذخائر 21.26 ارب ڈالر تک پہنچ گئے ہیں جبکہ حقیقی مؤثر شرح تبادلہ 98.2 کی سطح پر ہے، جسے آئی ایم ایف کے مطابق مسابقتی قرار دیا گیا ہے۔
ماہرین کا کہنا ہے کہ اگر تیل کی قیمتیں 90 ڈالر فی بیرل سے اوپر نہ گئیں اور سیاسی صورتحال مستحکم رہی تو 2026 کی پہلی سہ ماہی میں ڈالر 278 سے 282 روپے کے درمیان رہنے کا امکان ہے۔