سعودی عرب میں 1000سال پرانا نادر قرآن مجید کا نسخہ منظر عام پر آگیا

ریاض(قدرت روزنامہ)سعودی عرب کی کنگ عبدالعزیز پبلک لائبریری نے ایک نادر 1,000 سال پرانے قرآن مجید کے نسخے “غریب القرآن” کو منظر عام پر لایا ہے۔ یہ نسخہ ابتدائی عالم ابو عبیدہ ممر ابن المثنٰی نے تصنیف کیا تھا۔
یہ نسخہ چوتھی صدی سے تعلق رکھتا ہے اور 23 صفحات پر مشتمل ہے، جن کے سائز 17 بائی 22 سینٹی میٹر ہیں۔ نسخہ صاف اندلسین خط میں لکھا گیا ہے جبکہ سورہ کے نام کوفی خط میں درج ہیں۔ لائبریری کے مطابق یہ قرآن کی علوم پر ایک غیر شائع شدہ کام ہے۔
لائبریری کا مجموعہ صدیوں پر محیط قرآن کی تفسیر اور لسانیات پر نادر نسخوں پر مشتمل ہے۔ اس میں ابو اسحاق الزجاج اور ابن قتیبہ الدینوری کے کاموں کے علاوہ چھٹی صدی میں نقل شدہ تفسیر الطبری کے حصے بھی شامل ہیں۔
آرکائیو میں قرآن کی تفسیر پر 185 سے زائد نادر نسخے موجود ہیں، اور ساتھ ہی تلاوت، نحو اور تشریح پر سیکڑوں دیگر متون بھی محفوظ ہیں۔