’شناختی کارڈ پر میری مرضی کی تصویر لگاؤ ورنہ دفتر بند کرو‘، نادرا کے باہر خاتون کا انوکھا مطالبہ

گجرات(قدرت روزنامہ)صوبہ پنجاب کے شہر گجرات میں نادرا کے مقامی دفتر میں ایک دلچسپ اور غیر معمولی صورتحال اس وقت سامنے آئی جب ایک خاتون نے شناختی کارڈ پر تصویر کے لیے انوکھا مطالبہ کر دیا۔
خاتون نے دفتر کے باہر کھڑے ہو کر مؤقف اختیار کیا کہ ان کے شناختی کارڈ پر ان کی مرضی کی تصویر ہی لگائی جائے۔ خاتون کا کہنا تھا کہ ’میں نے شناختی کارڈ بنوایا ہے، اس پر تصویر بھی میری مرضی کی ہونی چاہیے ورنہ دفتر بند کر دیں‘۔

نادرا آفس ڈنگہ گجرات میں اس وقت صورتحال دلچسپ ہو گئی جب خاتون نے کہا شناختی کارڈ پر تصویر میری مرضی کی فلٹر والی لگے گی ورنہ دفتر بند کرو۔ pic.twitter.com/4ukB5QlB9b

— Muhammad Moavia (@MoaviaPTI) April 14, 2026

خاتون کے اس غیر روایتی مطالبے کے باعث موقع پر موجود افراد کی توجہ مبذول ہو گئی۔ یہ واقعہ سوشل میڈیا پر بھی تیزی سے وائرل ہو گیا جہاں صارفین کی جانب سے اس پر دلچسپ تبصرے کیے جا رہے ہیں۔
ایک صارف کا کہنا تھا کہ خاتون کا مطالبہ بالکل ٹھیک ہے، شناختی کارڈ پر اپنی تصویر دیکھ کر بندے کو خود شرم آتی ہے، سو میں سے ایک بندہ ہی شناختی کارڈ پر اپنی تصویر سے مطمئین ہوتا ہے۔

صحیح تو کہہ رہی ہے شناختی کارڈ پر اپنی تصویر دیکھ کر بندے کو خود شرم اتی ہے 😄
سو میں سے ایک بندہ ہی شناختی کارڈ پر اپنی تصویر سے مطمئن ہوتا ہے نہ جانے یہ کیا چکر ہے

— PRO 🖊💊 (@I_143_PAKISTAN) April 14, 2026

ایک سوشل میڈیا صارف نے سوال کیا کہ پھر خاتون کا شناختی کارڈ بنا یا نہیں؟

@TeaMe00 فیر بنا کے نہیں آئی ڈی کارڈ ؟

— شاہ🏴 (@Shah_saj10) April 14, 2026

ندیم تنولی کہتے ہیں کہ نادرا والے دنیا کا مہنگا ترین کیمرہ استعمال کر کے ایسی تصویر کھینچتے ہیں کہ بندہ اپنا شناختی کارڈ دیکھ کر خود سے ڈر جائے۔ ان کا کہنا تھا کہ خاتون نے فلٹر والی تصویر مانگ کر کوئی گناہ نہیں کیا، بیچاری بس یہ چاہتی تھی کہ اس کا کارڈ ’شناختی‘ کارڈ لگے۔

نادرا اچھے کمیرے خرید لے تو بہت سے لوگ خوش ہو جائیں گے https://t.co/4Ud7YQUWDS

— Qaiser Zaman (@zaman_qais65709) April 14, 2026

قیصر زمان نے مشورہ دیا کہ نادرا اچھے کمیرے خرید لے تو بہت سے لوگ خوش ہو جائیں گے۔