6 گیندوں پر 6وکٹیں! ایسا اوور جس نے میچ کو لمحوں میں ختم کر دیا
اسلام آباد (قدرت روزنامہ)انگلینڈ کی کاؤنٹی کرکٹ(County cricket) میں ایک حیران کن واقعہ سامنے آیا جہاں ایک عام سا میچ تاریخی لمحے میں تبدیل ہو گیا۔
پینکرج کرکٹ کلب کے فاسٹ بولر مائلز ڈیوس نے پیلسال کلب کے خلاف میچ میں شاندار کارکردگی دکھاتے ہوئے مسلسل چھ گیندوں پر چھ کھلاڑیوں کو آؤٹ کر کے ڈبل ہیٹ ٹرک مکمل کر ڈالی، جو کرکٹ میں انتہائی نایاب کارنامہ سمجھا جاتا ہے۔
میچ کے دوران پیلسال کلب 49 رنز پر صرف دو وکٹوں کے نقصان کے ساتھ مضبوط پوزیشن میں تھا، مگر پھر ایک اوور نے کھیل کا نقشہ بدل دیا۔ ڈیوس نے اگرچہ اوور کا آغاز وائیڈ گیند سے کیا، لیکن اس کے بعد مسلسل وکٹیں لے کر مخالف ٹیم کو سنبھلنے کا موقع نہ دیا۔
اوور کی آخری دو گیندوں پر دو کھلاڑیوں کو آؤٹ کرنے کے بعد اگلے اوور میں مزید چار وکٹیں حاصل کر کے انہوں نے پوری ٹیم کو ہلا کر رکھ دیا۔ چند ہی لمحوں میں اسکور 49 پر 9 وکٹیں ہو گیا اور میچ یکطرفہ ہو گیا۔
مائلز ڈیوس نے مجموعی طور پر 6 اوورز میں صرف 16 رنز دے کر 7 کھلاڑیوں کو آؤٹ کیا اور اپنی ٹیم کو 116 رنز سے شاندار فتح دلوا دی۔
Six wickets in six balls! 😮
Penkridge CC bowler Myles Davis took a double hat-trick on Saturday.
Wickets 3, 5 and 6 were caught on camera! pic.twitter.com/5OsYDcT2Rd
— Test Match Special (@bbctms) April 28, 2026
یہ غیر معمولی کارکردگی نہ صرف شائقین کرکٹ کے لیے حیرت کا باعث بنی بلکہ مقامی سطح پر کھیل کی تاریخ میں ایک یادگار لمحہ بھی بن گئی۔
