ہدایت کیلئے عمر کی کوئی قید نہیں،98سالہ ہسپانوی بزرگ نے اسلام قبول کر لیا

سپین (قدرت روزنامہ)سپین کے شہر فوینگیرولا سے تعلق رکھنے والے ایک 98 سالہ بزرگ کے قبولِ اسلام کی خبر ان دنوں سوشل میڈیا پر ایک بار پھر مرکزِ نگاہ بنی ہوئی ہے۔ یہ واقعہ اصل میں ستمبر 2019 میں پیش آیا تھا، جب ان بزرگ نے اپنی زندگی کے آخری ایام میں اسلام کی حقانیت سے متاثر ہو کر باقاعدہ کلمہ شہادت پڑھا تھا۔
رپورٹس کے مطابق، ان بزرگ نے مقامی مسجد کے امام کے سامنے کلمہ پڑھ کر اسلام قبول کیا، جس کے بعد انہیں اسلامی نام بھی دیا گیا۔ اگرچہ یہ واقعہ چند سال پرانا ہے، لیکن ان کی سچائی کی تلاش اور اس عمر میں ہدایت پانے کے جذبے نے اسے آج بھی انٹرنیٹ پر زندہ رکھا ہوا ہے۔ سوشل میڈیا صارفین اسے ایک معجزاتی اور متاثر کن کہانی کے طور پر شیئر کر رہے ہیں، جس کا مقصد یہ پیغام دینا ہے کہ ہدایت پانے کے لیے عمر کی کوئی قید نہیں ہوتی۔