صد یو ں پر ا نا قر آ ن پا ک کا نسخہ د ر یا فت

اسلام آباد (قدرت روزنامہ)برطانیہ کی برمنگھم یونیورسٹی کی لائبریری سے دریافت ہونے والے قرآنِ پاک کے قدیم مخطوطے نے ماہرین کی توجہ حاصل کر لی ہے، جسے دنیا کے قدیم ترین قرآنی نسخوں میں شمار کیا جا رہا ہے۔
ہاتھ سے لکھے ہوئے قدیم قرآنِ پاک کے نسخے سے متعلق یونیورسٹی آف آکسفورڈ کی تحقیق کے مطابق، یہ نسخہ 568 اور 645 عیسوی کے درمیان لکھا گیا تھا۔ اس بات کے 95.4 فیصد امکانات ہیں کہ یہ تاریخ درست ہے۔

عہدِ نبوی سے قربت: یہ دور حضرت محمد ﷺ کی زندگی یا ان کے وصال کے چند سال بعد کا بنتا ہے۔ ماہرین کا خیال ہے کہ جس جانور کی کھال پر یہ لکھا گیا، وہ شاید آپ ﷺ کی حیاتِ مبارکہ کے دوران موجود تھا۔
یہ “خطِ حجازی” میں لکھا گیا ہے، جو عربی تحریر کی قدیم ترین شکلوں میں سے ایک ہے اور اپنی ترچھی بناوٹ کی وجہ سے پہچانی جاتی ہے، اس میں سورہ الکہف، سورہ مریم اور سورہ طہٰ کی آیات شامل ہیں، یہ نسخہ برطانیہ کی برمنگھم یونیورسٹی کی کیڈبری ریسرچ لائبریری میں محفوظ ہے۔