سال 2021 پی ٹی آئی کی حکومت کا مہنگا ترین سال،تین سالوں میں مہنگائی کتنے فیصد بڑھ گئی؟ رپورٹ جار ی کردی گئی

اسلام آباد(قدرت روزنامہ)ادارہ شماریات کے مطابق 2021 عوام کیلئے پاکستان تحریک انصاف (پی ٹی آئی )کا مہنگا ترین سال ثابت ہوا . رواں سال بیشتر اشیائے ضروریہ کی قیمتوں میں اضافہ ہوا .

محکمہ شماریات کے مطابق فروی 2021 کے دوران مہنگائی 8.7 فیصد اور مارچ میں 9.1 فیصد،اپریل میں 11.1 فیصد،نومبر میں مہنگائی سال کی بلند ترین سطح 11.5 فیصد ریکارڈ کی گئی . ایک سال کے دوران 20 کلو آٹے کا تھیلا 210 روپے تک، اڑھائی کلو گھی کا ٹن ایک سال میں ریکارڈ 359 روپے 33 پیسے اور پانچ کلو گھی کا ٹن ایک سال میں 775، چینی اوسط 7 روپے 53 پیسے فی کلو مہنگی ہوئی . بجلی چارجز 3 روپے40 پیسے فی یونٹ بڑھ گئے، بجلی چارجز چار اعشاریہ صفر پانچ روپے سے بڑھ کر سات اعشاریہ 45روپے فی یونٹ ہوگئے،ایک سال میں مٹن 163 روپے68 پیسے، بیف 100 روپے 41 پیسے فی کلو مہنگا ہوا،

رواں سال ایل پی جی کا گھریلو سلنڈر ایک ہزار 22 روپے87 پیسے مہنگا ہوا . تازہ دودھ کی فی لیٹر قیمت میں 9 روپے13 پیسے کا اضافہ ہوا . دہی کی فی کلو قیمت میں 11 روپے 12 پیسے کا اضافہ ہوا . دال مسور 52 روپے86 پیسے فی کلو مہنگی ہوئی، دال چنا کی اوسط قیمت 17 روپے 24 پیسے فی کلو بڑھی . گڑ 13 روپے 50 پیسے فی کلو مہنگا ہوا، لہسن 43 روپے 84 پیسے فی کلو مہنگا ہوا . ایل پی جی کا گھریلو سلنڈر 962 روپے مہنگا ہوا، دسمبر 2020 میں ایل پی جی کا گھریلو سلنڈر 1419 روپے کا تھا جو دسمبر 2021 میں ایل پی جی کا گھریلو سلندر 2345 روپے کا ہوچکا ہے . دال ماش 42 روپے 59 پیسے فی کلو سستی ہوئی، دال مونگ 56 روپے 20 پیسے فی کلو سستی ہوئی ،انڈوں کی قیمت میں21 روپے 28 پیسے فی درجن کمی ہوئی، ایک سال میں ٹماٹر 11 روپے 40 پیسے اور پیاز 6 روپے 92 پیسے فی کلو سستے ہوئے،ایک سال میں زندہ مرغی کی فی کلو قیمت میں ایک روپے 40 پیسے کمی ہوئی .

. .
Ad
متعلقہ خبریں