انسداد دہشتگردی کی خصوصی عدالتوں کے ملازمین کو 30 سال بعد ترقی مل گئی
صوبہ سندھ کی اے ٹی سی کورٹس کی تاریخ میں پہلا پروموشن ہے
اسلام آباد(قدرت روزنامہ)انسداد دہشت گردی کی خصوصی عدالتوں کے ملازمین کو 30 سال بعد ترقی مل گئی۔
خصوصی عدالتوں کے ملازمین کی ترقی کا فیصلہ حکومت کی ڈیپارٹمنٹل پروموشن کمیٹی نے کیا۔ منعقد ہونے والے اجلاس میں رجسٹرار اسپیشل کورٹس سید عنایت علی شاھ اور سروسز اینڈ جنرل ایڈمنسٹریشن کے نمائندے شریک ہوئے۔
کمیٹی نے اسٹینو گرافر، ریڈرز اور اسسٹنٹس گریڈ 16 کے ملازمین کو گریڈ 17 میں پروموشن دی۔
انسداد دہشتگردی کی خصوصی عدالتوں کے ملازمین گزشتہ 30 سال سے ترقیوں سے محروم تھے۔ صوبہ سندھ کی اے ٹی سی کورٹس کی تاریخ میں پہلا پروموشن ہے۔
