سردی کی شدت، تعلیمی اداروں میں تعطیلات میں اضافہ کر دیا گیا

آزاد کشمیر (قدرت روزنامہ) آزاد کشمیر میں سردی کی شدت میں اضافے کے باعث تعلیمی اداروں کی تعطیلات میں اضافہ کر دیا . تفصیلات کے مطابق ملک بھر کے بالائی علاقوں میں برفباری اور بارشوں کے باعث سردی کی شدید لہر جاری ہے جس کے باعث شہریوں کو شدید مشکلات کا سامنا کرنا پڑ رہا ہے .

آزاد کشمیر ، گلگت بلتستان سمیت مختلف علاقوں میں بارش اور پہاڑوں پر برف باری کے باعث موسم کی شدت مزید بڑھ گئی ،برف باری کے باعث مختلف علاقوں میں زمینی رابطہ منتطع ہوگیا جس کے باعث لوگ گھروں میں محصور ہو کر رہ گئے ہیں .

آزاد کشمیر میں بھی شدید سردی سے نظام زندگی متاثر ہو رہا ہے . آزاد کشمیر میں سردی کی شدت میں اضافے کے باعث کشمیری حکومت نے تعلیمی اداروں کی تعطیلات میں اضافہ کر دیا . حکومتی اعلان کے مطابق تعطیلات میں پانچ روز کا اضافہ کیا گیا ہے جس کے بعد سرکاری و نجی تعلیمی ادارے 8 جنوری تک بند رہیں گے . یہاں واضح رہے کہ کشمیر سمیت ملک بھر میں 3 جنوری سرکاری و نجی تعلیمی ادارے کھلنے تھے .