حج نے مجھے ا للہ کے ہر فیصلے کے سا منے مکمل سر تسلیم خم کر نا سکھا یا ، دُرِفشاں سلیم

اسلام آباد (قدرت روزنامہ)حج کی سعادت حاصل کرنے کے بعد معروف پاکستانی اداکارہ دُرِفشاں سلیم نے اپنے مداحوں کے نام ایک جذباتی پیغام شیئر کیا ہے، جسے سوشل میڈیا پر بے حد سراہا جا رہا ہے۔
اپنے پیغام میں دُرِفشاں سلیم نے کہا کہ اس روحانی سفر سے حاصل ہونے والے احساسات اور تجربات کو الفاظ میں بیان کرنا ممکن نہیں۔ ان کا کہنا تھا کہ وہ حج سے اپنے ساتھ ایسی یادیں، دعائیں اور روحانی کیفیت لے کر واپس لوٹ رہی ہیں جو ان کے لیے انتہائی ذاتی اور بامعنی ہیں۔
اداکارہ نے مزید لکھا کہ انہیں محسوس ہوتا ہے کہ وہ اپنی زندگی کے بہت سے جذباتی بوجھ اور پریشانیاں اسی مقدس سرزمین پر چھوڑ آئی ہیں۔ ان کے مطابق حج کا یہ سفر ان کے لیے روحانی سکون، خود احتسابی اور اللہ تعالیٰ سے تعلق کو مزید مضبوط بنانے کا ذریعہ بنا۔
دُرِفشاں سلیم کے اس پیغام نے سوشل میڈیا صارفین کے دل جیت لیے، جہاں مداحوں نے ان کے خیالات کی سچائی، عاجزی اور گہرائی کو سراہتے ہوئے ان کے لیے نیک تمناؤں کا اظہار کیا۔ متعدد صارفین نے حج کے روحانی اثرات سے متعلق اپنے تجربات بھی شیئر کیے اور اداکارہ کے جذبات سے اتفاق کیا۔