کراچی: لیاری سے منشیات فروشی میں ملوث 4 پیشہ ور ملزمان گرفتار

کراچی (قدرت روزنامہ)کراچی کے علاقے لیاری میں منشیات فروشی میں ملوث 4 عادی/ پیشہ ور ملزمان گرفتار ہوگئے ہیں . تفصیلات کے مطابق ایس ایس پی سٹی سرفراز نواز نے اپنے جاری کردہ ایک بیان میں کہا کہ کراچی میں لیاری سے منشیات فروشی میں ملوث 4 پیشہ ور ملزمان کو گرفتار کیا گیا ہے .

ایس ایس پی سٹی نے بتایا کہ ملزمان کو علاقہ تھانہ کلری کی حدود سے گرفتار کیا گیا، گرفتار ملزمان میں عباس علی، عادل، شبیر اور سکندر شامل ہیں، ملزمان سے چرس وزنی (2100) گرام اور تنزانیہ وزنی (24) گرام بمعہ زرفروختگی رقم برآمد کی گئی ہے .
سرفراز نواز کا کہنا تھا کہ ملزمان کو دوران منشیات فروشی کے گرفتار کیا گیا، ملزمان لیاری کے مختلف علاقوں میں منشیات سپلائی/ فروشی کیا کرتے تھے، ملزمان کے خلاف مقدمات درج کرلئے گئے ہیں جبکہ تفتیش جاری ہے . ایس ایس پی سٹی سرفراز نواز نے کہا کہ ملزمان سے دیگر ساتھیوں کے متعلق بھی پوچھ گچھ جاری ہے .