والد کی گود میں ننھے محمد بن سلمان کی یادگار تصویر ٹی شرٹ پر6نمبر کی حقیقت بھی سامنے آگئی

رىاض(قدرت روزنامہ)یہ تصویر سعودی عرب کے موجودہ ولی عہد اور وزیراعظم شہزادہ محمد بن سلمان (MBS) کے بچپن (تقریباً 1986-1987ء) کی ہی ہے، جو کہ سعودی شاہی خاندان (آل سعود) کے سرکاری اور تصدیق شدہ تاریخی آرکائیوز سے لی گئی ہے۔
تصویر میں ننھے محمد بن سلمان کو اٹھانے والے شخص اُن کے والد اور سعودی عرب کے بادشاہ، شاہ سلمان بن عبدالعزیز آل سعود ہیں۔
شہزادہ محمد بن سلمان اپنے والد شاہ سلمان کے بیٹوں میں چھٹے (6 ویں) نمبر پر آتے ہیں، یہی وجہ ہے کہ بچپن کی اس یادگار تصویر میں انہوں نے جو ٹی شرٹ پہن رکھی ہے اس پر نمایاں طور پر ہندسہ ’’6‘‘ درج ہے۔
شاہ سلمان کے بڑے بیٹے شہزادہ فہد بن سلمان (مرحوم)
2-شہزادہ سلطان بن سلمان (خلائی سفر کرنے والے پہلے عرب خلا باز)
3-شہزادہ احمد بن سلمان (مرحوم)
4-شہزادہ عبدالعزیز بن سلمان (سعودی عرب کے موجودہ وزیر توانائی)
5-شہزادہ فیصل بن سلمان (مدینہ منورہ کے سابق گورنر)
6-شہزادہ محمد بن سلمان (موجودہ ولی عہد اور وزیراعظم)