مری: برف میں پھنسی گاڑیوں کے دل دہلا دینے والے مناظر
مری(قدرت روزنامہ)مری، گلیات اور آزاد کشمیر میں شدید برف باری جاری ہے، برف باری میں پھنسے سیاحوں کے افسوسناک مناظر سوشل میڈیا پر وائرل ہیں . مری میں موسم کی شدید صورتحال کے پیش نظر نظامِ زندگی مفلوج ہوگیا ہے، سیاحوں کی بڑی تعداد برف باری میں پھنسی ہوئی ہے، سیاحوں کی تقریباََ ایک ہزار گاڑیاں مری میں پھنس کر رہ گئی ہیں .
اب تک کی اطلاعات کے مطابق تقریباََ 16 سے 19 سیاح اپنی گاڑیوں میں ہی شدید سردی اور آکسیجن کی کمی کے باعث جاں بحق ہوگئے ہیں .
مری میں تیز برفباری
شدید برفباری اور ٹریفک جام کے باعث رات سڑک پر گزارنے والے سیاح، اب بھی سڑکوں پر پھنسے ہوئے ہیں
مری میں گاڑیوں میں 16 سے 19 اموات ہوئی ہیں
مری سے باہر موجود افراد کو بھی ہدایت کی گئی ہے کہ وہ مری کا رُخ نہ کریں،، #Murree. #Snowfall pic.twitter.com/i2cYJL8Zxz— bushra khalid (@bushra_khalid) January 8, 2022
سوشل میڈیا پر ایک فیملی کی دل دہلا دینے والی ویڈیو وائرل ہورہی ہے جو سردی کی شدت برداشت نہ کرتے ہوئے گاڑی میں ہی ختم ہوگئی . اس کے علاوہ ایک ویڈیو چار دوستوں کی بھی وائرل ہورہی ہے جوکہ برفباری سے لطف اندوز ہونے مری آئے تھے لیکن موسم کی خرابی کی وجہ سے اجل کا نشانہ بن گئے .
#snowstorms#Murree#Pakistan
Critical situation ahead more deaths reported pic.twitter.com/vBqkzCx9Qr— Tuseef abbasi (@tuseefabbasi91) January 8, 2022
سوشل میڈیا پر وائرل ہونے والی ویڈیوز میں دیکھا جاسکتا ہے کہ مری کے مقامی افراد بھی برفباری میں پھنسی گاڑیوں اور سیاحوں کی مدد کررہے ہیں .
#Murree right now ❄️
#Snowfall pic.twitter.com/zJ6Pyybtlc— Waqar Ali Syed (@Waqaralisyed) January 8, 2022
واضح رہے کہ محکمۂ موسمیات نے آج رات شدید برفانی طوفان اور 90 کلو میٹر فی گھنٹہ کی رفتار سے ہوائیں چلنے کا امکان ظاہر کر دیا . ایمبولینس، سیکیورٹی گاڑیوں اور فائر فائٹرز کو الرٹ رہنے کا کہا گیا ہے .
ان علاقوں میں انتظامیہ نے وارننگ دی ہے کہ کسی بھی صورتِ حال سے بچنے کے لیے شہری گھروں سے باہر نہ نکلیں . مری سے باہر موجود افراد کو بھی ہدایت کی گئی ہے کہ وہ مری کا رُخ نہ کریں .
