بینک الفلاح اسلامک کی اسلامی آٹو فنانس اسکیم، سوزوکی سوئفٹ 5 سالہ آسان اقساط پر دستیاب

اسلام آباد: بینک الفلاح اسلامک نے اپنی اسلامی آٹو فنانس سہولت کے تحت صارفین کو نئی اور استعمال شدہ سوزوکی سوئفٹ پانچ سال تک کی آسان ماہانہ اقساط پر خریدنے کی پیشکش کی ہے۔
بینک کے مطابق یہ شریعہ کے مطابق آٹو فنانس اسکیم صارفین کو اپنی پسندیدہ ہیچ بیک گاڑی خریدنے کا موقع فراہم کرتی ہے، جبکہ اس کے ساتھ کرایہ (رینٹل) اور تکافل پر رعایتی نرخ، ودہولڈنگ ٹیکس کی ادائیگی اور دیگر خصوصی سہولیات بھی شامل ہیں۔
اسکیم کے تحت صارفین کو تکافل اور رجسٹریشن فیس کی پیشگی ادائیگی نہیں کرنا ہوگی، جبکہ نئی گاڑی کی فراہمی تک کرایہ مؤخر رکھنے کی سہولت بھی فراہم کی گئی ہے۔
بینک الفلاح اسلامک کے مطابق یہ اسلامی آٹو فنانس سہولت پاکستان بھر کے اہل صارفین کے لیے دستیاب ہے، جس کے ذریعے وہ پانچ سال تک کی مدت میں نئی یا استعمال شدہ سوزوکی سوئفٹ شریعہ سے ہم آہنگ فنانسنگ کے ذریعے خرید سکتے ہیں۔
بینک نے دلچسپی رکھنے والے صارفین کو اپنی ضروریات کے مطابق اسلامی آٹو فنانس کی شرائط اور دستیاب آپشنز سے آگاہی حاصل کرنے کی بھی دعوت دی ہے۔