(قدرت روزنامہ)پاکستان پیپلز پارٹی کے چیئرمین بلاول بھٹو زرداری کا کہنا ہے کہ جب سے تحریک انصاف کی حکومت آئی ہے وزیر اعظم اور سارے عہدیدار ہر حادثے پر متاثرین کو ہی قصور وار ٹھہراتے ہیں۔
قومی اسمبلی کے اجلاس سے خطاب کرتے ہوئے بلاول بھٹو نے کہا کہ جب چترال میں وزيراعظم کی فیملی ممبر برے موسم کی وجہ سے پھنس گئی تھیں، تو ان کے لیے ہر ممکن قدم اٹھایا گيا، فوج سے ہیلی کاپٹر منگوا کر ریسکیو کیا گيا، وہ بھی پاکستان کی شہری ہیں، ہر شہری کو بچانا چاہیے۔
بلاول بھٹو نے کہا کہ وزیراعظم کے گھر سے دو گھنٹے دور مری میں سانحہ ہوا کسی کو تو نوٹس لینا چاہیے تھا۔
ان کا مزید کہنا تھا کہ وفاقی وزیر نے کہا کہ لوگوں کو مری نہیں آنا چاہیے تھا، یہ وزیر ایک دن پہلے پاکستان کے عوام کو کہہ رہا تھا مری پہنچو۔
بلاول بھٹو زرداری نے کہا کہ جب سے تحریک انصاف کی حکومت آئی ہے جب کوئی حادثہ ہوتا ہے، یہ متاثرین پر الزام لگادیتے ہیں، پوری اپوزیشن کا مطالبہ ہے کہ مری واقعے کی جوڈیشل انکوائری کی جائے۔
پی پی چیئرمین نے کہا کہ نیا پاکستان تو مہنگا پاکستان بن گیا ہے، ہر چیز مہنگی ہوئی صرف عوام کا خون سستا ہوا ہے۔
بلاول بھٹو نے کہا کہ اپیل کرتے ہیں کہ اسپیکر حکومت وقت کو جوڈیشل کمیشن پر قائل کریں، مری واقعے کے وقت وزیراعلیٰ پنجاب تحریک انصاف کی میٹنگ میں مصروف تھے۔
اسلام آباد(قدرت روزنامہ) ٹیلی کام کمپنیوں نے ملک میں 5 لاکھ 6 ہزار سے زیادہ…
بھاگ(قدرت روزنامہ)سابق سینیٹر نوابزادہ حاجی لشکری خان رئیسانی نے ضلع کچھی میں امن و امان…
اسلام آباد(قدرت روزنامہ) چیف جسٹس پاکستان نے کہا ہے کہ جو جج مداخلت دیکھ کر…
اسلام آباد(قدرت روزنامہ) ن لیگ کے قائد نواز شریف نے توشہ خانہ ریفرنس میں بریت…
کوئٹہ(قدرت روزنامہ) پاکستان کے سرحدی شہر چمن میں کئی روز سے صورتحال کشیدہ ‘ صوبائی…
زامران(قدرت روزنامہ)بلوچستان کے ضلع کیچ کے علاقے زامران میں سیکورٹی فورسز کے پیدل اہلکاروں پر…