ایک بار پی سی بی کی اعلیٰ قیادت کو برطرف کرکے دیکھیں، مسئلہ وہیں سے پیدا ہو رہا ہے، اسد عمر

اسلام آباد(قدرت روزنامہ)سابق وفاقی وزیر اور سیاستدان اسد عمر نے قومی کرکٹ ٹیم کی مسلسل ناکامیوں، بار بار کی تبدیلیوں اور کھلاڑیوں کے ساتھ روا رکھے جانے والے تحقیر آمیز سلوک پر پاکستان کرکٹ بورڈ کی اعلیٰ قیادت کو شدید تنقید کا نشانہ بنایا ہے۔ اس حوالے سے سماجی رابطے کی سائٹ ایکس پر جاری اپنے بیان میں اسد عمر نے کرکٹ بورڈ کے رویئے پر سخت غصے کا اظہار کیا، انہوں نے لکھا کہ قومی کھلاڑیوں کے ساتھ کیڑے مکوڑوں جیسا سلوک کرنا اور ان کی مسلسل تذلیل کرنا کسی صورت ملکی کرکٹ کے حالات کو بہتر نہیں بنا سکتا۔

Treating national players like cockroaches and humiliating them will not make things better. They keep firing coaches & players and keep getting the same results. Try firing the top leadership of PCB. That's where the problem is flowing from

— Asad Umar (@Asad_Umar) September 1, 2026

سابق وفاقی وزیر نے بورڈ کے حالیہ فیصلوں اور مسلسل انتظامی ناکامیوں پر نشاندہی کرتے ہوئے کہا کہ پی سی بی انتظامیہ ہر ناکامی کے بعد مسلسل کوچز اور کھلاڑیوں کو برطرف کرکے انہیں قربانی کا بکرا بناتی ہے، لیکن ان تمام اقدامات کے باوجود نتائج میں کوئی تبدیلی نہیں آتی اور ٹیم کو وہی ناکامیاں دیکھنی پڑتی ہیں۔
اسد عمر نے مشورہ دیا کہ ہر بار کھلاڑیوں اور کوچز پر ملبہ ڈالنے کے بجائے اب پی سی بی کی ٹاپ لیڈرشپ یعنی اعلیٰ ترین قیادت کو برطرف کر کے دیکھا جائے کیونکہ تمام تر انتظامی خرابیوں اور نالائقیوں کا بہاؤ اصل میں اوپر بیٹھی قیادت ہی سے آ رہا ہے۔