عامر لیاقت نے وزیراعظم کی ہدایت پر علی زیدی سے گلے شکوے دور کر لیے

اسلام آباد(قدرت روزنامہ) تحریک انصاف کے رکن قومی اسمبلی عامر لیاقت نے علی زیدی سے گلے شکوے دور کر لیے . انہوں نے سماجی رابطے کی ویب سائٹ ٹویٹر پر ٹویٹ میں علی زیدی کے ہمراہ بنائی گئی تصویر شئیر کیں جن میں عامر لیاقت کو ساتھی پارٹی رہنما کے گلے لگتے دیکھا جا سکتا ہے .

عامر لیاقت نے تصاویر شئیر کرتے ہوئے کہا کہ وزیراعظم عمران خان کی ہدایت اور حکم پر علی زیدی سے گلے مل کر گِلے دور کر لیے .
انہوں نے کہا وزیراعظم نے علی زیدی کو ہدایت دی کہ کراچی میں عامر کے بنا کوئی فیصلے نہ کیے جائیں، عامر لیاقت کراچی میں پی ٹی آئی کی کھلی آواز ہے .

. خیال رہے کہ پاکستان تحریک انصاف سندھ کی قیادت آمنے سامنے آگئی تھی ، ایم این اے عامرلیاقت نے سماجی رابطے کی ویب سائٹ ٹوئٹر پر صوبائی صدر علی زیدی پر تنقید کرتے ہوئے کہا تھا کہ علی زیدی کے فیورٹ ازم کے کھیل سے کارکنان دل برداشتہ ہیں مجھے چھوڑیئے ایک سے ایک بڑھ کر ایک ہیرا ہے عمران خان کا ، لیکن علی بھائی کو نظر ہی نہیں آیا،اللہ بہتر کرے .

عامر لیاقت نے کہاکہ آخری گیند تک پی ٹی آئی کراچی کے لیے لڑوں گا، جب راستہ نہیں بچے گاوزیراعظم کا تب بھی ساتھ نہیں چھوڑوں گا، احتجاج جمہوری حق ہے ،عمران خان میرے لیے سب کچھ ہیں ، دوست کواتنانہ آزماکہ کھوبیٹھو،بالغ النظرجانتے ہیں کراچی میں میری کیاحیثیت ہے . تاہم اب عامر لیاقت نے علی زیدی سے تمام گلوے شکوے دور کر لیے ہیں . رکن قومی اسمبلی کا اس حوالے سے کہنا ہے کہ وزیراعظم عمران خان کی ہدایت پر علی زیدی سے گلے شکوے دور کر لیے ہیں . واضح رہے کہ ماضی میں بھی عامر لیاقت پارٹی سے نالاں نظر آئے،انہوں نے کچھ دن قبل قومی اسمبلی کی رکنیت سے بھی استعفیٰ دیا تھا جسے وزیراعظم نے قبول نہیں کیا .

وزیراعظم جناب عمران خان کی ہدایت اور حکم پر جناب علی زیدی @AliHZaidiPTI سے گلے مل کر گِلے دور کر لیے وزیراعظم نے علی زیدی کو ہدایت دی کہ کراچی میں عامر کے بنا کوئی فیصلے نہ کیے جائیں، عامر لیاقت کراچی میں پی ٹی آئی کی کھلی آواز ہے . @AliHZaidiPTI @ImranKhanPTI @UKPTIOfficial pic.twitter.com/PDMBYz0WDD

— Aamir Liaquat Husain (@AamirLiaquat) January 14, 2022