پورا ہفتہ کہاں کہاں بارشیں اور کہاں برفباری کا امکان ہے؟ موسمیاتی ادارے نےتفصیلی رپورٹ جاری کر دی

اسلام آباد(قدرت روزنامہ)تیز ہواؤں کے ساتھ ہلکی سے معتدل بارش اور برف باری کی توقع کی جارہی ہے۔15 جنوری 2022 رات 9 بجے سے 21 جنوری 2022 رات 9 بجے تک۔۔ ملک بھر میں خلاصہ: اگلے 7 دنوں میں 2 یا 3 مغربی ہواؤں کے سلسلے متوقع ہیں۔
کم دباؤ کا مرکز ایران اور افغانستان پر ہوگا، اس لیے صرف پاکستان کے سرحدی علاقے اور شمالی خیبر پختونخوا اور گلگت بلتستان میں سب سے زیادہ بارش اور برف باری ہوگی۔بلوچستان صوبے کے شمالی اور مشرقی حصے میں کہیں کہیں گرج چمک اور 45-60 کلومیٹر فی گھنٹہ (جنوب مغرب –> شمال مغرب) کی رفتار سے چلنے والی ہواؤں کے ساتھ تیز بارش/برفباری کے امکانات ہیں ۔ برفباری 6,000 سے 7,000 فٹ کے درمیان کی بلندی پر متوقع ہے۔کوئٹہ میں ہفتے کے وسط تک 20-30 ملی میٹر بارش سکتی ہے، اس کے بعد اس وقت کے دوران جمعہ/ہفتہ کو برفیلی بارش/برفباری کا امکان ہے۔ جمعہ اور ہفتہ کی درمیان صوبے کے شمال مشرقی علاقوں میں برفباری کی حد 5,000 فٹ تک گر جائے گی جس سے کوئٹہ اور قلات میں بھی برفباری کا امکان ہے۔گوادر، پسنی، اورماڑہ اور جیوانی کے علاقوں میں 19 سے 21 جنوری کے درمیان 40 سے 60 کلو میٹر فی گھنٹہ کی تیز ہوائیں چل سکتی ہیں ۔ ہوا کی رفتار سب سے زیادہ دوپہر اور شام کے اوقات بلوچستان میں دن کے درجہ حرارت معمول سے انتہائی کم ریکارڈ سردی کے قریب ہو سکتے ہیں ، خاص طور پر میدانی علاقوں۔خیبرپختونخوا میں بارشوں کے ساتھ چند ایک مقامات پر گرج چمک متوقع ہے۔ پاک/افغان سرحد کے ساتھ 5500 فٹ سے بلند مقامات پر برف باری کی صورت حال رونما ہو سکتی ہے (بشمول پاراچنار اور وادی تیراہ جہاں 5 سے 8 انچ برف پڑ سکتی ہے)۔ سوات، ہزارہ اور مالاکنڈ کے علاقوں میں ہلکی سے معتدل بارش کے ساتھ ساتھ اگلے ہفتے بدھ اور ہفتہ کے درمیان 7,000 فٹ سے زیادہ بلند علاقوں میں تیز برف باری کی توقع ہے۔ براہ کرم نقشہ 1 میں بارش کی مقدار چیک کریں۔ درج ذیل ہفتہ وار بارش کی متوقع مقدریں : #پشاور: 5-15 ملی میٹر، #ایبٹ آباد: 20-30 ملی میٹر جمعہ کے آخر اور ہفتہ کی شام/رات کو برف باری کے امکانات کے ساتھ۔ ڈیرہ اسماعیل خان: 5 ملی میٹر سے کم کالام اور مالم جبہ: 9-15 انچ اضافی تازہ برفباری لہٰذا سفری انتباہ 23 جنوری 2022 تک نافذ العمل ہے۔ ناران اور شوگران سمیت وادی کاغان میں 2-3 فٹ اضافی برف پڑ سکتی ہے۔پنجاب اور آزاد کشمیرمیںصوبہ بھر میں منگل اور جمعرات کے دوران کہیں کہیں کہیں بارش کا امکان ہے۔ سب سے زیادہ بارش کا امکان بدھ کے روز ہے۔سب سے زیادہ بارش اسلام آباد پوٹھوہار اور پنجاب کے شمالی علاقوں میں ہونے کا امکان ہے۔ پیر پنجال میں آٹھ ہزار فٹ سے بلند مقامات پر تیز برفباری ہو سکتی ہے . گلیات میں ایک اور وادی نیلم کے علاقوں میں ڈیڑھ سے دو فٹ برف پڑ سکتی ہے۔سندھ میںموسم خشک اور موسم جزوی طور پر ابر آلود رہے گا۔ تاہم، مغربی سندھ میں چند ایک اقدامات پر ہلکی بارش بوندا باندی ہونے کا امکان ہے جس میں جیکب آباد، دادو، نوشہرہ فیروز اور جامشورو کے علاقے شامل ہیں۔ تیز ہوا اور ماہی گیروں کے لئے انتباہ: 19 سے 22 جنوری کے دوران: کراچی ,حیدرآباد ,میرپورخاص ,مٹھی، ٹھٹھہ, بدین ,عمر کوٹ اور ملحقہ علاقوں میں 45 سے 70 کلومیٹر فی گھنٹہ کی ہوائیں چلنے کا امکان ہے۔ ہوا مغربی رخ سے چلے گی اور ہواؤں کی رفتار دوپہر اور شام کے اوقات میں سب سے زیادہ ہوگی۔