سہیل آفریدی لانگ مارچ نہ لائے تو عدم اعتماد لے آئیں، عمران خان کے پیغام کا دعویٰ
راولپنڈی (قدرت روزنامہ) راولپنڈی کی اڈیالہ جیل میں قید پاکستان تحریکِ انصاف کے بانی عمران خان کی جانب سے وزیراعلیٰ خیبر پختونخواہ سہیل آفریدی کی کارکردگی اور اسلام آباد مارچ کے معاملے پر شدید برہمی کا اظہار کرتے ہوئے اپنی بہن نورین نیازی کے ذریعے کے پی حکومت کی تبدیلی اور تحریکِ عدم اعتماد لانے سے متعلق پیغام کی خبریں سامنے آئی ہیں۔
بحوالہ ذرائع نعیم اشرف بٹ کے مطابق اڈیالہ جیل میں ملاقات کے دوران عمران خان نے اپنی بہن نورین نیازی سے گفتگو کرتے ہوئے وزیراعلیٰ سہیل آفریدی کے رویے پر کہا کہ سہیل آفریدی نے میرے لیے کچھ نہیں کیا، میں نے تو پہلے بھی وکیل کے ذریعے پیغام بھیجا تھا کہ وہ وزارتِ اعلیٰ چھوڑ دیں۔
بانی نے کہا وکیل کو پیغام دیا تھا سہیل آفریدی وزارت اعلیٰ چھوڑ دے، ذرائع#ARYNews pic.twitter.com/CPgA5uI3dg
— ARY NEWS (@ARYNEWSOFFICIAL) September 27, 2026
اس موقع پر جب نورین نیازی نے بانی پی ٹی آئی کو بتایا کہ سہیل آفریدی نے 27 ستمبر کو اسلام آباد لانگ مارچ کا اعلان کیا ہے اور ساتھ ہی یہ نشاندہی بھی کی کہ صوبائی اسمبلی میں سابق وزیراعلیٰ علی امین گنڈاپور کا ایک گروپ ہے جس کے تقریباً 35 ایم پی ایز سہیل آفریدی کے خلاف ہیں تو عمران خان نے واضح اور سخت ترین مؤقف اپنایا۔
ذرائع کا دعویٰ ہے کہ عمران خان نے ہدایت کی کہ اگر سہیل آفریدی 27 ستمبر کو اسلام آباد مارچ لے کر نہیں نکلتے تو ان کے خلاف فوری طور پر عدم اعتماد کی تحریک لے آئیں، علی امین کو بھی یہی پیغام دیں کہ مارچ نہ آنے کی صورت میں سہیل آفریدی کے خلاف عدم اعتماد لائی جائے۔
بانی نے نورین نیازی سے کہا سہیل آفریدی نے انکے لیے کچھ نہیں کیا، ذرائع#ARYNews #BreakingNews pic.twitter.com/773ddnOAN9
— ARY NEWS (@ARYNEWSOFFICIAL) September 27, 2026
ذرائع کے حوالے سے کہا گیا ہے کہ عمران خان کی بہن نورین نیازی کا یہ پیغام جیسے ہی وزیراعلیٰ سہیل آفریدی تک پہنچا تو انہوں نے حالات کی نزاکت کو دیکھتے ہوئے مارچ اور احتجاج کے پروگرام میں فوری اور اچانک تبدیلی کی جب کہ خیبرپختونخواہ کے وزیراعلیٰ سہیل آفریدی اس تمام صورتِ حال میں وفاقی حکومت کے ایک اہم وفاقی وزیر کے ساتھ مسلسل رابطے میں ہیں اور ان کے درمیان مشترکہ حکمتِ عملی اپنانے کے لیے باقاعدہ بات چیت جاری ہے۔
