لانگ مارچ ملتوی کرنے کے فیصلے کے بعد حکومت والے رو رہے تھے، جنید اکبر

اسلام آباد(قدرت روزنامہ) پاکستان تحریک انصاف خیبرپختونخوا کے صدر جنید اکبر نے کہا ہے کہ ہماری کوشش ہوگی کہ لانگ مارچ 4 اکتوبر سے آگے نہ جائے تاہم ہم اپنے فیصلوں میں با اختیار ہیں کہ مارچ کب اور کیسے کرنا ہے۔ نجی ٹی وی کے پروگرام میں اظہار خیال کرتے ہوئے انہوںنے کہاکہ ہماری کوشش ہو گی کہ لانگ مارچ 4 اکتوبر سے آگے نہ جائے لیکن ہم اپنے فیصلوں میں با اختیار ہیں اور اس کا فیصلہ پی ٹی آئی قیادت فیصلہ کرے گی کہ ہم نے اپنا لانگ مارچ کب کیا اور کیسے کرنا ہے۔

ہمارا اسلام آباد پر قبضے کا پلان نہیں تھا، ہمارا مقصد حکومت کو ڈائیلاگ کے لیے مجبور کرنا تھا۔ ہمارا مقصد ان کو تکلیف پہنچانا تھا، اور حکومت والے ہمارے فیصلے کے بعد رو رہے تھے: جنید اکبر pic.twitter.com/UirBFwvKWk

— Shakir Mehmood Awan (@ShakirAwan88) September 27, 2026

پی ٹی آئی رہنماء نے کہا کہ لانگ مارچ سے متعلق ہم نے میٹنگ بلائی ایم این ایز سے مشورہ کیا، سب سے مشورہ کیا ، لوگوں سے بھی رائے لی تھی، اکثریت کی رائے تھی کہ لانگ مارچ کو آگے لے جایا جائے، ہمارا مقصد اسلام آباد پر قبضہ نہیں بلکہ آئین کی بالادستی ہے، ہم نے محمود خان اچکزئی اور مولانا صاحب کو اعتماد میں لینا تھا، اچکزئی صاحب پہلے متفق نہیں تھے، پھر ان کو راضی کیا گیا۔
صدر پی ٹی آئی کے پی نے کہا کہ جب مارچ کے لیے نکلے کے بغیر ہی ہمارا پیغام حکومت کو مل گیا تو ہمارے نکلنے کا کیا مقصد تھا، جب ہمارے نکلے بغیر مقصد پورا ہو رہا ہے تو پھر ہم کیوں نکلیں، وفاقی وزراء کو میں سنجیدہ نہیں لیتا، ہماری تیاری نہیں تھی تو پھر وفاقی حکومت نے اتنی تیاری کیوں کی، ہمارا مقصد حکومت کو ڈائیلاگ کے لیے مجبور کرنا تھا، ہمارا مقصد ان کو تکلیف پہنچانا تھا اور حکومت والے ہمارے فیصلے کے بعد رو رہے تھے۔