جب27ستمبر کی لانگ مارچ کی تیاری نہیں تھی، اب چار پانچ دنوں میں 4 اکتوبر کی کیا تیاری کرپائیں گے؟ شیر افضل مروت

اسلام آباد (قدرت روزنامہ) رکن اسمبلی پی ٹی آئی شیر افضل خان مروت کا کہنا ہے کہ جب27ستمبر کی لانگ مارچ کی تیاری نہیں تھی، اب چار پانچ دنوں میں 4 اکتوبر کی کیا تیاری کرپائیں گے؟ یہ فیس سیونگ کیلئے منتیں ترلے کررہے ہیں، قوی امکان ہے کہ لانگ مارچ کو ملتوی کردیں گے۔ انہوں نے گفتگو کرتے ہوئے کہا کہ سہیل آفریدی کی 27ستمبر کی لانگ مارچ کی تیاری نہیں تھی ، جب گیارہ مہینوں سے ستائیس کی تیاری نہیں تھی تو اب یہ چار پانچ دنوں میں 4 اکتوبر کیلئے کیا تیاری کرپائیں گے؟ یہ منتیں ترلے کررہے ہیں کہ کوئی ان کو فیس سیونگ دے۔

سہیل آفریدی کے خلاف عدم اعتماد تب لائی جائے گی جب وہ وزارت اعلی کی کرسی کیلئے ڈٹ جاتے ہیں
پتلی گلی سے نکلنے کیلئے منتیں ترلیں کر رہے ہیں
خان نے ان کو نہیں چھوڑنا
27 ستمبر کیلئے ان کی 11 ماہ سے تیاری نہیں تھی تو 4 اکتوبر کیلئے 5 دنوں میں ان کی کیا تیاری ہوگی
شیر افضل مروت نے سہیل… pic.twitter.com/9FFanoXORr

— Irfan Khan (@irfijournalist) September 28, 2026

دونوں صورتوں میں اگر عمران خان کے ایڈوائس کے برعکس یہ فیس سیونگ لیتے ہیں اور کال آف کرتے ہیں، جس کاقوی امکان ہے کہ لانگ مارچ کو ملتوی کردیں گے، اگر مارچ نہ ہوا تو ایسی صورت میں عمران خان نے ان کو نہیں چھوڑنا۔
شیر افضل مروت نے کہا کہ میرا خیال ہے کہ وزیراعلیٰ سہیل آفریدی کیخلاف تحریک عدم اعتماد اس صورت میں آئے جب ڈٹ جائے گا، اگر عمران خان ان کے حوالے سے کوئی فیصلہ کرے گا تو سہیل آفریدی کو استعفا دینا پڑے گا۔اگر سہیل آفریدی نے محنت کی ہوتی اور دو لاکھ لوگوں تک جمع کرلیتے تو پھر گورنر راج آرٹیکل 232میں ہوتا ہے ، لیکن پھر وفاقی حکومت آرٹیکل 236کے تحت اٹھاتی۔