بابر اعظم 32 برس کے ہوگئے، سالگرہ کیسے منائی؟
لاہور(قدرت روزنامہ)پاکستان کرکٹ ٹیم کے مایہ ناز بلے باز بابر اعظم 32 برس کے ہوگئے۔ سالگرہ کے موقع پر انہوں نے اپنے بھائیوں اور قریبی دوستوں کے ہمراہ کیک کاٹا جس کی تصاویر سوشل میڈیا پر شیئر کردی گئیں۔
بابر اعظم کی سالگرہ کی تقریب میں ان کے بھائیوں اور قریبی دوستوں نے شرکت کی۔ سالگرہ کے کیک پر بیٹ اور بال کو نمایاں کیا گیا تھا جو ان کی کھیل سے وابستگی کی عکاسی کرتا ہے۔
Babar Azam 32nd Birthday
Babar bhaii Tri Series main 2 Centuries Chaye https://t.co/hXvkk74aj5
— ٰImran Siddique (@imransiddique89) October 15, 2026
بابر اعظم کی سالگرہ کی تصاویر ان کے بھائیوں نے سوشل میڈیا پر پوسٹ کیں جس کے بعد مداحوں کی جانب سے بھی انہیں مبارک باد دینے اور نیک تمناؤں کا اظہار کرنے کا سلسلہ جاری ہے۔
بابر اعظم کا شمار پاکستان کے نمایاں بلے بازوں میں ہوتا ہے۔ وہ اپنی عمدہ بیٹنگ، مستقل مزاجی اور ریکارڈ ساز کارکردگی کے باعث دنیا بھر میں کرکٹ شائقین میں مقبول ہیں۔
انہوں نے اپنے بین الاقوامی کیریئر کے دوران متعدد اعزازات حاصل کیے۔ بابر اعظم کو 2021 میں آئی سی سی مینز ون ڈے کرکٹر آف دی ایئر قرار دیا گیا تھا، جو ان کی نمایاں کارکردگی کا اعتراف تھا۔
ٹی ٹوئنٹی انٹرنیشنل کرکٹ میں بھی بابر اعظم نے رنز بنانے کے حوالے سے نمایاں مقام حاصل کیا جبکہ ون ڈے انٹرنیشنل میں پاکستان کی جانب سے سب سے زیادہ سنچریاں بنانے والے بلے بازوں میں بھی ان کا نام شامل ہے۔
سالگرہ کے موقع پر مداحوں کی جانب سے بابر اعظم کے لیے نیک تمناؤں کا اظہار کیا جا رہا ہے جبکہ کرکٹ کے میدان میں ان کی مزید کامیابیوں کے لیے بھی خواہشات کا سلسلہ جاری ہے۔
