خیبرپختونخواہ میں گورنر راج کے نتیجے میں 68 ایم پی ایز نے پارٹی سے بغاوت کردی

اسلام آباد(قدرت روزنامہ)رکن قومی اسمبلی شیر افضل خان مروت نے دعویٰ کیا ہے کہ خیبرپختونخواہ میں گورنر راج کے نتیجے میں91 ارکان اسمبلی میں سے 68 ایم پی ایز نے پارٹی سے بغاوت کردی ، ان کا کہنا ہے کہ پارلیمانی لیڈر اور قائد ایوان بھی ہم خود چُنیں گے۔ سماء نیوز کے پروگرام میں گفتگو کرتے ہوئے انہوں نے کہا کہ خیبرپختونخواہ میں گورنر راج کے نتیجے میں 68 ایم پی ایز نے پارٹی سے بغاوت کردی ہے۔
ان کا کہنا ہے کہ پارلیمانی لیڈر بھی ہم چنیں گے اور قائد ایوان بھی ہم چنیں گے۔

گورنر راج لگنے کے بعد 68 ایم پی ایز نے پارٹی سے بغاوت کر دی ہے ان کا کہنا ہے کہ پارلیمانی لیڈر بھی ہم چنیں گے اور قائد ایوان بھی ہم چنیں گے مرکز کے ساتھ ڈائیلاگ کے لیے انہوں نے علی امین کو نامزد کیا ہے ! شیرافضل مروت ۔۔۔
جس گروہ کا سرغنہ علی امین ہو گا اس کا اللہ ہی حافظ ہے ۔۔ https://t.co/wlN671KUJi

— AMJAD KHAN (@iAmjadKhann) October 24, 2026

وفاقی حکومت کے ساتھ ڈائیلاگ کرنے ہیں تو ہم کریں گے، کیونکہ مسائل کا سامنا ہمیں کرنا پڑتا ہے، گورنر راج ہمارے صوبے میں لگوا دیا، ہمارا کوئی نمائندہ نہیں ہوتا، وفاقی حکومت کے ساتھ ڈائیلاگ کیلئے انہوں نے علی امین گنڈاپور کو نامزد کیا ہے، 68 ایم پی ایز نے اعلامیہ جاری کیا ہے، جس میں انہوں نے علی امین گنڈاپور کو اپنا نمائندہ نامزد کیا ہے۔
رکن قومی اسمبلی شیر افضل خان مروت کا کہنا ہے کہ وہ کہتے تھے کہ ایک گرے گا تو دوسرا اٹھے گا، لیکن جنھوں نے اٹھنا تھا وہ سب عمرے پر گئے ہوئے ہیں۔ انہوں نے میڈیا سے گفتگو میں پی ٹی آئی رہنماؤں پر طنز کرتے ہوئے کہا کہ سہیل آفریدی کا تو پتہ نہیں لیکن شفیع جان پلان ’بی‘ ڈھونڈ رہا ہے جو اس سے گر گیا تھا۔ وہ کہتے تھے کہ ایک گرے گا تو دوسرا اٹھے گا، لیکن جنھوں نے اٹھنا تھا اب بتایا گیا ہے کہ وہ سب عمرے پر گئے ہوئے ہیں۔

شیر افضل مروت کے پی ٹی آئی رہنماؤں پر طنز..
سھیل آفریدی کا تو پتہ نہیں لیکن شفیع جان پلان B ڈھونڈ رہا ہے جو اس سے گر گیا تھا.. جنھوں نے اٹھنا تھا وہ اب سنا ہے کہ عمرے پر ہیں، شیر افضل مروت https://t.co/V7WPOfDSaW

— Hussain Ahmed Ch (@HussainAhmedCh8) October 24, 2026

اسی طرح شیر افضل خان مروت نے اے آروائی نیوز کے پروگرام میں گفتگو کرتے ہوئے کہا کہ پی ٹی آئی میں 25سالوں میں جو اختلافات ہیں کبھی ختم نہیں ہوئے، عمران خان بھی باہر آکر پی ٹی آئی کو متحد نہیں کرسکتے، بیرسٹر گوہر کے بیانات کہ ہم کھڑے ہیں ، وہ بس کھڑے ہی ہیں، لیکن باقی پارٹی کا اسٹرکچر ، تنظیم آج سے نہیں ،پی ٹی آئی میں 25سالوں میں جو اختلافات ہیں کبھی ختم نہیں ہوئے۔ اب اختلافات پارٹی میں عداوتیں بن چکی ہیں، اس عداوتوں کو عمران خان بھی ختم نہیں کرسکتے۔