بریک فیل ہونے پر ڈرائیور کود گیا، مسافر نے بس سنبھال کر 30 جانیں بچالیں، بہادر شخص ہیرو قرار

خوشاب:خوشاب کے قریب پیل چوک کے مقام پر راولپنڈی سے سرگودھا جانے والی مسافر بس کی اچانک بریک فیل ہونے کے بعد ایک سنسنی خیز اور حیرت انگیز واقعہ پیش آیا جہاں ڈرائیور کی جانب سے چلتی بس سے کود جانے کے بعد ایک مسافر نے غیر معمولی حاضر دماغی اور بہادری کا مظاہرہ کرتے ہوئے گاڑی کا سٹیئرنگ سنبھال لیا اور ڈرائیور کی سیٹ پر بیٹھ کر دسیوں مسافروں کی جانیں بچالیں۔
خوشاب پولیس کے ترجمان کے مطابق یہ واقعہ پیر کے روز اس وقت پیش آیا جب راولپنڈی سے سرگودھا کی جانب گامزن ایک مسافر بس ضلع خوشاب کے علاقے پیل چوک کے قریب سے گزر رہی تھی، اچانک بریکس ناکارہ ہو جانے کے باعث ڈرائیور کی غیر معمولی حالت اور گھبراہٹ کو دیکھ کر بس میں سوار مسافروں کو صورتحال کی سنگینی کا اندازہ ہوتے ہی شدید خوف و ہراس اور افراتفری پھیل گئی۔

🚨 مسافر بس کی بریک فیل 🚨حاضر دماغ شہری نے 30 مسافروں کی جان بچا لی
​خوشاب: پہاڑی راستے سے اترتے ہوئے مسافر بس کی اچانک بریک فیل ہو گئی، جس پر ڈرائیور مسافروں کو بے یار و مددگار چھوڑ کر چھلانگ لگا گیا۔ عین اسی وقت بس میں سفر کرنے والے ایک مزدا ڈرائیور نے بے مثال جرات کا مظاہرہ کرتے ہوئے سٹیرنگ وہیل سنبھال لیا۔
​رفتار پر قابو پانے کے لیے بس کو بار بار پہاڑی چٹانوں سے رگڑا گیا، جس سے رفتار مدہم ہو کر بس الٹ گئی۔ حادثے کے نتیجے میں مسافر زخمی ہوئے تاہم تمام 30 افراد معجزانہ طور پر محفوظ رہے اور کوئی جانی نقصان نہیں ہوا۔ شہریوں نے بہادر ڈرائیور کو زبردست خراجِ تحسین پیش کیا ہے۔
@dpokhushab
@dckhushab
@RpoSargodha

— Ali Tallat Chaudhry (@AliTallat1) November 7, 2026

بتایا گیا ہے کہ صورتحال اس وقت انتہائی خطرناک اور گمبھیر شکل اختیار کرگئی جب ڈرائیور نے گاڑی کو کنٹرول کرنے یا بحفاظت روکنے کی کوشش کرنے کے بجائے اچانک خود کو بچانے کے لیے چلتی بس سے باہر چھلانگ لگا دی، ڈرائیور کے کودتے ہی بغیر ڈرائیور کے چلتی ہوئی بس سڑک پر بے قابو ہو کر لہرانے لگی، جس سے بس میں چیخ و پکار مچ گئی اور تمام مسافر شدید سراسیمگی کا شکار ہو گئے۔
معلوم ہوا ہے کہ اس انتہائی نازک صورتحال میں بس کے اندر موجود ایک مسافر نے بے مثال حاضر دماغی اور بہادری کا مظاہرہ کیا، اس شہری نے اپنی جان کی پروا نہ کرتے ہوئے فوری طور پر بس میں ڈرائیور کی سیٹ پر پہنچ کر گاڑی کا سٹیئرنگ سنبھال لیا، رفتار پر قابو پانے کیلئے بس کو بار بار پہاڑی چٹانوں سے رگڑا گیا، جس سے رفتار مدہم ہو کر بس الٹ گئی، حادثے کے نتیجے میں مسافر زخمی ہوئے تاہم تمام 30 افراد معجزانہ طور پر محفوظ رہے اور کوئی جانی نقصان نہیں ہوا، شہریوں نے بہادر ڈرائیور کو زبردست خراجِ تحسین پیش کیا۔

#بہادر_ڈرائیور
راولپنڈی سے سرگودھا براستہ پیل چوک جانے والی مسافر گاڑی کے بریک فیل ہونے پر ڈرائیور کے گاڑی سے چھلانگ لگانے کے بعد ایک مسافر نے حاضر دماغی اور بہادری کا مظاہرہ کرتے ہوئے گاڑی کو قابو کیا اور تمام مسافروں کو بحفاظت اتار لیا۔ https://t.co/AtJ0dgt67X

— Khushab Police Official (@KhushabPolice2) November 10, 2026

بتایا جارہا ہے کہ واقعے کی اطلاع ملتے ہی ڈی پی او خوشاب ڈاکٹر عمارہ شیرازی نے اس بہادر شہری کی جانب سے دکھائی گئی شجاعت کا فوری اعتراف کیا اور اس کے لیے باقاعدہ توصیفی سرٹیفکیٹ کا اعلان کیا، بعد ازاں خوشاب پولیس کی جانب سے مذکورہ شہری کو بلوا کر توصیفی سرٹیفکیٹ سے نوازا گیا۔
اس موقع پر ڈی پی او خوشاب ڈاکٹر عمارہ شیرازی نے شہری کے اقدام کی شدید الفاظ میں تعریف کرتے ہوئے کہا کہ اس نوعیت کی بہادری، بروقت حاضر دماغی اور درجنوں قیمتی انسانی جانوں کا تحفظ ایک انتہائی قابلِ تحسین اور فخر کے قابل عمل ہے، ایسے شہری قوم کا سرمایہ ہیں جنہوں نے اپنی جان خطرے میں ڈال کر ایک بڑے حادثے کو ٹال دیا اور پولیس و عوام کی نظر میں ہیرو کا درجہ حاصل کیا۔