عمران خان اور بشریٰ بی بی سے تین گھنٹے طویل ملاقات، صحت اور قانونی معاملات پر گفتگو

اسلام آباد (قدرت روزنامہ) اڈیالہ جیل حکام نے آج عمران خان اور ان کی اہلیہ بشریٰ بی بی سے تقریباً تین گھنٹے طویل ملاقات کی اجازت دی، جس میں دونوں کے قانونی اور طبی معاملات پر تفصیلی تبادلہ خیال کیا گیا۔
تفصیلات کے مطابق بیرسٹر سلمان صفدر نے اپنے ایک ٹوئٹ میں بتایا کہ ملاقات شام 4 بجے سے 7 بجے تک جاری رہی، جس کے دوران عمران خان اور بشریٰ بی بی کی جانب سے قانونی معاملات پر جامع ہدایات دی گئیں۔
بیرسٹر سلمان صفدر کے مطابق انہیں واضح ہدایات دی گئی ہیں کہ وہ القادر ٹرسٹ کیس کی مرکزی اپیلوں میں ہائی کورٹ کے روبرو عمران خان اور بشریٰ بی بی کی نمائندگی جاری رکھیں گے۔
انہوں نے مزید بتایا کہ بشریٰ بی بی کی آنکھ کی پیچیدگی اور ریلیف سے متعلق اسلام آباد ہائی کورٹ میں زیرِ التوا درخواست پر سینئر ایڈووکیٹ سپریم کورٹ سردار لطیف کھوسہ ان کے ساتھ عدالت کی معاونت کریں گے۔
Today nearly Three (3) hours long meeting with Imran Khan Sb & Bushra Bibi was allowed by Adyala Jail Authorities. Given the extraordinary duration of meeting: Time from 4-7 PM Legal & Medical issues of both were discussed in detail & comprehensive legal instructions were given by both. Categoric & Clear Instructions were given that I will continue to represent Khan Sb & BB in Main Appeals of Al Qadir Trust in HC. Mr Sardar Latif Khosa Senior ASC will be assisting the bench along with me on BB’s Pending Petition Before IHC relating to Eye Complication & Relief.
— Barrister Salman Safdar (@BrSalmanSafdar) November 11, 2026
بیرسٹر سلمان صفدر کے مطابق ملاقات کے دوران دونوں کے طبی مسائل اور قانونی معاملات پر تفصیلی گفتگو ہوئی۔
اس سے قبل بانی پی ٹی آئی عمران خان سے اور بشریٰ بی بی سے اڈیالہ جیل کانفرنس روم میں وکلاء کی تین چار گھنٹے طویل ملاقات کے بعد وکیل سردار لطیف کھوسہ نے میڈیا سے گفتگو میں بتایا کہ بانی پی ٹی آئی عمران خان سے تین چار گھنٹے ملاقات ہوئی ہے، ملاقات میں بشریٰ بی بی بھی موجود تھیں، میری اور سلمان صفدر کی ملاقات ہوئی ہے۔
ملاقات میں بانی پی ٹی آئی سے ان کی صحت اور مقدمات سے متعلق بات چیت ہوئی ہے۔
کل ملاقات پر پوری ایک تفصیل لکھیں گے ، ان کی طبیعت جو ہم نے خود دیکھی ہے اور جو انہوں نے بتائی ہے وہ ساری حقیقت آشکار ہوجائے گی اور نظر آجائے گی۔
عمران خان کی آنکھ اور بلڈ پریشر کا مسئلہ بالکل موجود ہے، ان کا بلڈ پریشر اتار چڑھاؤ رہتا ہے، بلڈ پریشر کی صورتحال خوفناک حد تک ہے۔
لیکن جو آپ پوچھنا چاہتے ہیں وہ انتہائی مستعد تھے اور ان کا ارادہ بھی بہت زیادہ مضبوط تھا۔
📌 جی میری اور سلمان صفدر کی بانی پی ٹی آئی عمران خان سے ملاقات ہوئی ہے تقریبا چار گھنٹے ہم وہاں موجود رہے ۔۔
ملاقات میں بشری بی بی بھی ہمارے ہمراہ موجود تھی۔
قانونی امور پر بات چیت ہوئی کیسز کے حوالے سے بات چیت ہوئی۔📌ان کی صحت کیسی تھی رپورٹر کا سوال ؟؟
انہیں انکھ کا مسئلہ ہے اور بلڈ پریشر کا مسئلہ ہے۔۔
لیکن بظاہر ملاقات میں وہ ہشاش بشاش تھے مستعد تھے۔📌 کیا قانونی مشاورت میں 28ویں ترمیم کے پر بھی بات ہوئی ہے ۔۔؟؟
جی بات ہوئی ہے لیکن اس کی تفصیلات میں میں نہیں جا سکتا۔۔
کل سلمان صفدر اس ساری ملاقات کا احوال سامنے رکھیں گے ہماری زیادہ تر قانونی امور پر بات ہوئی ہے۔
سردار لطیف کھوسہ— Ajmal Jami (@ajmaljami) November 11, 2026
ملاقات میں 28ویں ترمیم پر بھی بات ہوئی ہے لیکن اس پر میں بات نہیں کروں گا۔ ملاقات میں اتنا وقت کیوں لگا یہ جیل سپرنٹنڈنٹ سے پوچھیں، کیونکہ ہائیکورٹ نے لکھا تھا کہ ایک گھنٹے سے کم ملاقات نہیں ہونی چاہئے، زیادہ جتنی مرضی ہو۔
بانی پی ٹی آئی سے ملاقات سیر حاصل ہوئی ہے، ملاقات میں پوری طرح معاملات کو ڈسکس کیا ہے۔
ایکسپریس نیوز کے جیل ذرائع کے مطابق بیرسٹر سلمان صفدر اور سردار لطیف کھوسہ کی بانی پی ٹی آئی سے ملاقات 2 گھنٹے سے زائد جاری رہی اور دونوں وکلا نے ان سے مقدمات اور متفرق پٹیشنز پر تفصیلی مشاورت کی۔ جیل ذرائع کا کہنا تھا کہ بانی پی ٹی آئی عمران خان سے ملاقات کے دوران ان کی اہلیہ بشریٰ بی بی بھی موجود تھیں اور وکلا نے بشریٰ بی بی کے مقدمات اور دیگر قانونی پہلوؤں پر بھی بانی سے مشاورت کی۔
