آج کھاد کے حصول کیلئے کسان دربدر ہو رہے ہیں، مریم اورنگزیب

لاہور(قدرت روزنامہ) مسلم لیگ ن کی ترجمان مریم اورنگزیب نے کہا ہے کہ پنجاب میں کھاد بحران کے ذمہ دار عمران خان ہیں . آج کھاد کے حصول کیلئے کسان دربدر ہو رہے ہیں .

مسلم لیگ ن کی ترجمان مریم اورنگزیب نے اپنے ایک بیان میں کہا ہے کہ پنجاب میں یوریا کھاد کی قلت عمران مافیا کی کرپشن کے سبب ہے اور پنجاب میں کھاد کے بحران کے ذمہ دار عمران خان ہیں .

انہوں نے کہا کہ بھاری رقم خرچ کرنے کے باوجود کسان کھاد کے لیے دربدر ہو رہے ہیں اور کھاد کسانوں کو بروقت نہ مل سکی تو گندم کی پیداوار کیسے پوری ہو گی .

مریم اورنگزیب نے کہا کہ مسلم لیگ ن کے دور میں 2400 روپے میں ملنے والی یوریا کی بوری آج 10 ہزار روپے میں بھی نہیں مل رہی . عمران خان کھاد کی قلت دراصل آپ کی کرپشن کا اعمال نامہ ہے .

انہوں نے کہا کہ یوریا 1200 سے 2800 روپے کا ہو گیا لیکن عمران خان کے لیکچرز جاری ہیں . آٹا، چینی، ایل این جی میں بھی یہی واردات پہلے ہو چکی ہے . پہلے گندم چینی کا بحران پیدا کیا گیا، ذخیرہ اندوزی ہوئی، پھر اسمگلنگ ہوئی اور پھر مہنگے داموں پر بھی قوم آٹے اور چینی سے محروم رہی .

مریم اورنگزیب نے کہا کہ کبھی آٹا، کبھی گندم، کبھی دوائی، کبھی ایل این جی اور اب کھاد عمران مافیا ایک ہی انداز میں ہر بار ڈاکہ ڈالتا ہے . عمران مافیا کی کرپشن کا بازار گرم ہے اور کسان دھکے کھا رہے ہیں ان لوگوں نے کسانوں کو بھکاری بنا دیا ہے .

. .
Ad
متعلقہ خبریں