ایک خاندان سخت سردی میں ٹھٹھر کر ہلاک ۔۔ کینیڈا میں ہونے والے حادثے نے سب کو افسردہ کر دیا

کینیڈا (قدرت روزنامہ)غیر قانونی راستے سے بیرونی ممالک جانے والے ملکوں میں بھارت ٹاپ فہرست میں شامل ہوتا ہے . لیکن غیر قانونی راستہ اور طویل انتظار کسی کی زندگی کو ختم بھی کر دیتا ہے، جیسا کہ اس بھارتی خاندان کے ساتھ ہوا .

بھارتی میڈیا ذرائع کے مطابق پولیس کی جانب سے گزشتہ ہفتے امریکا اور کینیڈا کی سرحد کے نزدیک سردی میں جم جانے والے 4 افراد کی ہلاکت کے بعد غیر قانونی امیگریشن کے خلاف تحقیقات میں میں 6 افراد کو حراست میں لیا . گجرات میں پولیس نے کہا کہ سرحد پر موجود پولیس کی جانب سے پاسپورٹ اور دیگر سامان کی تصاویر فراہم کی گئی جس کے بعد تفتیشی افسران نے انکشاف کیا کہ ہلاک ہونے والے چاروں افراد کا تعلق ایک ہی فیملی سے تھا .

پولیس اہلکار نے بتایا کہ اب ہم انسانی اسمگلروں کو پکڑنے کی کوشش کر رہے ہیں جنہوں نے اس خاندان اور دیگر افراد کو غیر قانونی راستے کے ذریعے بیرون ملک بھیجنے میں منفی کردار ادا کیا ہے . پولیس نے اُن 6 افراد کو حراست میں لینے کے بعد بتایا کہ وہ ایک ٹریول اینڈ ٹورازم کمپنی چلا رہے تھے . کینیڈا کے صوبے مینیسوٹا کے ساتھ سرحد علاقے میں ایک مرد، عورت، بچہ اور نوعمر مردہ حالت میں پائے گئے جس کے بعد حکام نے ایک امریکی شخص پر انسانی اسمگلنگ کا الزام عائد کیا ہے .