قومی اسمبلی میں اپنی ہی جماعت پر تنقید کرنے والے پی ٹی آئی کے نور عالم خان نے ایک اور ٹویٹ داغ دیا

اسلام آباد(قدرت روزنامہ) پاکستان تحریک انصاف کے رکن قومی اسمبلی نور عالم خان نے ایک بار پھر تنقید بھرا ٹویٹ داغ دیا۔سماجی رابطے کی ویب سائٹ ٹویٹر پر اپنے ٹویٹ میں نور عالم خان نے لکھا کہ پہلی تین قطاروں میں بیٹھے افراد کو جواب دینا ہوگا۔
نور عالم خان نے ٹویٹ میں ایک تصویر بھی پوسٹ کی جس میں ایک شخص دونوں ہاتھوں میں نوٹوں سے بھرے بیگ لئے اپنی قبر میں جا رہا ہے مگر فرشتہ اسے بیگ ایک طرف رکھنے کا اشارہ کرتے ہوئے کہتا ہے کہ کسی طرح کا کوئی سامان ساتھ لے جانے کی اجازت نہیں ہے ۔

For the front3rows you will be asked pic.twitter.com/wCyJiqVyej

— Noor Alam Khan (@NOORALAMKHAN) January 31, 2022

نور عالم خان نے قومی اسمبلی میں بھی اپنی ہی جماعت کو تنقید کا نشانہ بنایا تھا جس پر انہیں شوکاز نوٹس بھی جاری کیا گیا ہے ۔
نور عالم خان نے پہلی تین قطاروں میں بیٹھے افراد سے کہا کہ انہیں جواب دینا ہوگا لیکن یہ نہیں بتایا کہ وہ کون سی قطار کی بات کر رہے ہیں ۔ اگر ان کا اشارہ قومی اسمبلی میں موجود حکومتی بینچز کی تین قطاریں ہیں تو ان پر وزیر اعظم عمران خان ، وزیر داخلہ شیخ رشید ، وزیر خارجہ شاہ محمود قریشی ، وزیر دفاع پرویز خٹک ، وزیر خزانہ شوکت ترین ، وزیر توانائی حماد اظہر براجمان ہوتے ہیں ۔