دارچینی ملا شہد کئی امراض کا مؤثر علاج

اسلام آباد (قدرت روزنامہ)شہد ایک مکمل غذا ہے اور اس میں کئی امراض کے لئے شفا رکھی گئی ہے، اسی طرح دار چینی بھی گھروں میں استعمال ہونے والا عام مصالحہ ہے لیکن اس کے اجزا میں ایسے خواص پائے جاتے ہیں جو بطور دوا بھی استعمال کئے جاتے ہیں .
اگر شہد میں دار چینی ملا کر استعمال کیا جائے تو نہ صرف اس کے صحت پر حیرت انگیز اثرات مرتب ہوتے ہیں بلکہ یہ کئی بیماریوں میں موثر دوا کا کام بھی دیتی ہے .

لیکن اس میں بیماری کو مد نظر رکھتے ہوئے شہد میں دار چینی کا استعمال کیا جاتا ہے تب ہی وہ جسم کے لئے بہترین دوا ثابت ہوتی ہے .

گھٹیا

اس مرض میں جسم کے جوڑوں میں شدید درد ہوتا ہے اوراکثر ادویات سے بھی افاقہ نہیں ہوتا . لیکن شہد اور دار چینی کا استعمال مؤثر ثابت ہوتا ہے، اس کے لئے ایک نیم گرم پانی میں دو چائے کے چمچ شہداور ایک چائے کا چمچ دارچینی کا پاؤڈر شامل کرکے اچھی طرح مکس کریں . اسے روزانہ دن میں دو مرتبہ صبح اور رات میں استعمال کریں، دائمی درد میں بھی کمی واقع ہوجائے گی .

کولیسٹرول

خون میں مختلف چکنائیاں کولیسٹرول کہلاتی ہیں اگر یہ زیادہ بڑھ جائے تو خون گاڑھا ہوکر شریانوں میں تنگی کا باعث بنتا ہے . اس کے لئے دو کپ قہوہ میں تین چائے کے چمچ دار چینی پاؤڈر اور دو کھانے کے چمچ شہد شامل کرکے اچھی طرح مکس کریں . اس کا استعمال خون میں کولیسٹرول کی سطح کو کم کر کے خون کی روانی کو بہتر بناتا ہے .

عام ٹھنڈ کا علاج

موسم سرما میں کھانسی اور نزلہ ہونا بہت ہی عام ہے . اس کے لئے ایک کھانے کا چمچ نیم گرم شہد میں ایک چوتھائی چائے کا چمچ دارچینی پاؤڈرملا کرروزاستعمال کریں، یہ کھانسی کا بہترین علاج ہے .

منہ کی ناگوار مہک

اس کی کئی وجہ ہوسکتی ہے لیکن بہترین علاج شہد اور دارچینی ہے، ایک گلاس نیم گرم پانی میں ایک چائے کا چمچ شہداور ایک چائے کا چمچ دار چینی پاؤڈر ملا کرغراغرے کریں . ساتھ ہیں دانتوں کی صفائی کا بھی خاص خیال رکھیں .

وزن

موٹاپا بذات خود ایک بیماری ہے لوگوں کی اکثریت اس سے چھٹکارا حاصل کرنا چاہتی ہے مگر ناکام رہتی ہے، تو اس کے لئے ایک کپ گرم پانی میں ایک چائے کا چمچ دارچینی پاؤڈر ڈال کر کچھ دیر کھ دیں پھر اس میں ایک کھانے کا چمچ شہد ملاکر آدھا کپ صبح اور آدھا کپ رات میں سونے سے قبل استعمال کریں .

بہتر نظام انہضام

معدہ کی صحت سے جڑی ہے جسمانی صحت، اگر نظام انہضام بہترانداز میں اپنے افعال انجام نہیں دے گا تو جسم کئی بیماریوں کا شکار ہوسکتا ہے . اس کے لئے ایک گلاس نیم گرم پانی میں ایک کھانےکا چمچ شہد اور آدھا چائے کاچمچ دارچینی پاؤڈر شامل کریں اور اسے خالی پیٹ استعمال کریں .

. .