سرمائی اولمپکس؛ یوکرین کا دستہ گزرنے پر روسی صدر نے آنکھیں کیوں بند کیں ؟
بیجنگ(قدرت روزنامہ)چین کے دارالحکومت بیجنگ میں شروع ہونے والے سرمائی اولمپکس کے دوران یوکرین کا دستہ گزرنے پر روسی صدر نے آنکھیں بند کرلیں۔بیجنگ میں سرمائی اولمپکس 2022 کی رنگا رنگ تقریب منعقد ہوئی جس میں وزیراعظم عمران خان ، چینی صدر اور روس کے صدر سمیت دنیا بھر کے 20 سے زائد سربراہانِ مملکت نے افتتاحی تقریب میں شرکت کی۔
تاہم امریکا سمیت دیگر مغربی ممالک نے چین پر انسانی حقوق کی خلاف ورزیوں کا الزام عائد کرتے ہوئے احتجاجاً اپنے نمائندوں کو بیجنگ بھیجنے سے انکار کیا۔چینی صدر شی جن پنگ نے بیجنگ سرمائی اولمپکس مقابلوں کا افتتاح کیا۔ اِس موقع پر اُنہوں نے کہا کہ کھیلوں کے اس ایونٹ کے ذریعے چینی حکومت عالمی سطح پر محبتیں باٹنے کے قابل ہوئی ہے۔
سرمائی اولمپکس کی افتتاحی تقریب میں تمام ممالک کے کھلاڑیوں نے پرچم اٹھائے مارچ پاسٹ کیا۔ پاکستانی دستے کی آمد پر وزیراعظم عمران خان نے نشست سے کھڑے ہو کر ٹیم کیلئے تالیاں بجائیں اور حوصلہ افزائی کی۔وفاقی وزیر اطلاعات فواد چوہدری نے دعویٰ کیا کہ سرمائی اولمپکس میں درجنوں ٹیمیں آئیں لیکن اسٹیڈیم میں اگر چین کے بعد کسی ٹیم کیلئے تالی بجی تو وہ پاکستان کی ٹیم تھی۔
Putin was shown sleeping during the procession of Team Ukraine at the opening ceremony of the Beijing Winter Olympics. Also noteworthy, that he was by himself, with nearest people at lest 20 yards away. Such a macho (not) https://t.co/83rT46Nn4c
— tsekz76 (@tsekz76) February 4, 2022
سماجی رابطے کی ویب سائٹ پر ایک ویڈیو شیئر کی گئی ہے جس میں دیکھا جاسکتا ہے کہ تقریب میں جب یوکرین کا دستہ آیا اور ان کے ملک کا ترانہ بجایا گیا تو روس کے صدر ولادی میر پیوٹن نے اپنی آنکھیں بند کردیں۔
ٹوئٹر پر جاری ہونے والی ویڈیو میں بھی دیکھا جاسکتا ہے کہ روسی صدر نے یوکرینی دستے کو نظر انداز کرنے کی کوشش کرتے ہوئے اپنی آنکھیں بند کیں اور جیسے ہی کیمرہ کا رخ پیوٹن کی طرف گیا تو ان کی آنکھیں بند تھیں تاہم چند سیکنڈز بعد انہوں نے آنکھیں کھول لیں۔