ہانیہ عامر سوشل میڈیا پر تنقید کا شکار بننے والوں کے حق میں بول پڑیں
کراچی (قدرت روزنامہ)پاکستانی ڈرامہ انڈسٹری کی ابھرتی ہوئی اداکارہ ہانیہ عامر نے سوشل میڈیا پر تنقید کا شکار ہونے والوں کے حق میں ایک پیغام جاری کیا ہے۔ اداکارہ ہانیہ عامر نے حال ہی میں اپنے انسٹاگرام کے ذریعے پوسٹ جاری کی ہے تنقید کا شکار بننے والوں کے حق مں بات کی ہے۔
View this post on Instagram
اداکارہ نے اپنے پیغام میں ایسے لوگوں کو معصوم قرار دیتے ہوئے کہا ہے کہ تم سب اپنی زندگی جیتے رہو اور ان لوگوں کی بات نہ سنو جو کہ تمہاری کامیابی کے راستے میں رکاوٹ بنتے ہیں۔اداکارہ نے کہا ہے کہ تم لوگ اچھے ہو لیکن یہ معاشرہ تمہاری ہنسی کو بھی غلط سمجھتا ہے لیکن ان سب کی فکر نہیں کرو اور نہ ہی خود کو بدلنے کی کوشش کرو۔
اداکارہ نے اپنے پیغام میں لکھا ہے کہ تم ہسنو اور اپنے اطراف خوشیاں بکھیروں اور بڑے خواب سجاؤ اور دنیا کو بتاؤ کے تم اس دنیا کی رسم و رواج سے الگ ہو۔
انہوں نے سوشل میڈیا پر تنقید کا شکار بننے والوں کے لئے دعا کرتے ہوئے کہا ہے کہ میں چاہتی ہو کہ تمہیں دنیا میں سمجھنے والے لوگ ملیں جو تمہاری قدر کریں۔
انہوں نے کہا ہے کہ میری دعا ہے کہ تم لوگوں کو وہ محبت ملیں جو ہر دنیاوی تقاضوں سے پاک ہو اور ساتھ ہی اپنے اصولوں پر زندگی گزارنے کا حوصلہ بھی ملیں تاکہ اس دنیا کی باتوں میں خود کو کہیں کہو نہ دو۔
خیال رہے کہ سوشل میڈیا پر اداکارہ سمیت بہت سے لوگوں کو تنقید کا نشانہ بنایا جاتا ہے جس سے وہ بہت حد تک مایوس ہوجاتے ہیں اور ایسے لوگوں کی حوصلہ افزائی کے لئے ہانیہ عامر نے یہ پیغام دیا ہے۔
