اجازت ہے؟ دھانی کی علیم ڈار سے اجازت مانگنے کی ویڈیو وائرل

Last Updated: February 28, 2022

لاہور (قدرت روزنامہ)پاکستان سپر لیگ (پی ایس ایل) فائنل میچ میں بھی ملتان سلطانز کے فاسٹ بولر شاہنواز دھانی نے امپائر علیم ڈار سے وکٹ کا جشن منانے کی اجازت مانگ کر شائقین کرکٹ کے دل جیت لیے۔
پی ایس ایل سیون کے فائنل مقابلے میں محمد حفیط کی ایک اہم وکٹ لینے کے بعد امپائر علیم ڈار سے باقاعدہ اجازت مانگی کہ کیا میں جشن منا سکتا ہوں؟


امپائر علیم ڈار سے اجازت ملنے پر شاہنواز دھانی نے گراؤنڈ میں دوڑ لگادی اور حفیظ کی وکٹ کا اپنے مخصوص انداز میں جشن منایا۔


خیال رہے کہ اس سے قبل بھی پی ایس ایل کے میچ میں ایسی ہی ایک صورتحال پیدا ہوئی تھی کہ جب شاہنواز دھانی نے نسیم شاہ کی وکٹ لینے کے بعد معمول کے مطابق دوڑ لگائی تھی لیکن امپائر علیم ڈار کو شرارت سوجھی تھی اور وہ بولر کا راستہ روکنے کے انداز میں ان کے سامنے آگئے تھے لیکن برق رفتار دھانی کو پکڑ نہ سکے تھے۔
امپائر کی اسی شرارت کے جواب میں گزشتہ روز کے میچ میں شاہنواز دھانی نے وکٹ کا جشن منانے سے قبل امپائر سے اجازت لی۔

Tags
Last Updated: February 28, 2022