پنڈی ٹیسٹ، امام الحق کا بلّا چل گیا، سنچری بنا ڈالی
راولپنڈی (قدرت روزنامہ)راولپنڈی ٹیسٹ کے پہلے دن امام الحق کا بلّا چل گیا اور ٹیسٹ کیریئر کی پہلی سنچری بنا ڈالی . آسٹریلیا کے خلاف پہلے ٹیسٹ کے پہلے اور دوسرے سیشن کا کھیل پاکستانی بلے بازوں کے نام رہا .
A Test ton to his name, and it’s only Day 1. Congratulations, Imam 👏🏼 #BoysReadyHain l #PAKvAUS pic.twitter.com/cJJAkGiGDg
— Pakistan Cricket (@TheRealPCB) March 4, 2022
پاکستان کی جانب سے آسٹریلیا کے خلاف ٹاس جیتنے کے بعد عبداللّٰہ شفیق اور امام الحق نے ٹیم کو سنچری شراکت کا آغاز فراہم کیا .
پہلے سیشن میں کھانے کے وقفے سے کچھ دیر قبل آسٹریلیا نے عبداللّٰہ شفیق کی وکٹ کی صورت میں پہلی کامیابی حاصل کی .
عبداللّٰہ شفیق 44 رنز بنا کر پویلین لوٹ گئے
وہ نیتھن لیون کی گھومتی ہوئی بال پر 44 رنز بنا کر کپتان پیٹ کمنز کو کیچ دے بیٹھے .
چائے کے وقفے کے بعد اوپنر امام الحق نے 200 بالز پر 3 چھکوں اور 13 چوکوں کی مدد سے ٹیسٹ کیریئر کی پہلی سنچری اسکور کی .
امام الحق کی پہلی ٹیسٹ سنچری مکمل
میچ میں اب سے کچھ دیر پہلے پاکستان نے 1 وکٹ کے نقصان پر 198 رنز بنا لیے ہیں ، امام الحق 106 رنز بنا کر 43 رنز بنانے والے اظہر علی کے ساتھ وکٹ پر موجود ہیں .
پنڈی ٹیسٹ میں پاکستان نے اسکور بنانے کا آغاز عبداللّٰہ شفیق کے چوکے کی بدولت کیا .
آسٹریلیا کی جانب سے مچل اسٹارک نے امام الحق کے ایل بی ڈبلیو کی پر جوش اپیل کی جسے فیلڈ امپائر کی جانب سے مسترد کیا گیا . مہمان کپتان نے اپیل پر ری ویو لیا جسے تھرڈ امپائر نے بھی ٹیکنالوجی کی مدد سے مسترد کردیا اور یوں مہمان ٹیم اننگز میں دستیاب 3 میں سے 1 ری ویو سے ہاتھ دھو بیٹھی .
پاکستان کا آسٹریلیا کیخلاف پہلے ٹیسٹ میں بیٹنگ کا فیصلہ
واضح رہے کہ پاکستان اور آسٹریلیا کے درمیان 24 سال بعد کھیلی جانے والی ہوم ٹیسٹ سیریز کے پہلے ٹیسٹ میچ میں پاکستان نے ٹاس جیت کر پہلے بیٹنگ کا فیصلہ کیا .
قومی ٹیم کے کپتان بابر اعظم کا ٹاس جیتنے کے بعد کہنا تھا کہ اچھی کرکٹ کھیلنے کی کوشش کریں گے .
انہوں نے کہا کہ وکٹ اچھی لگ رہی ہے، ہم زیادہ رنز بنانے کی کوشش کریں گے، آخری دنوں میں پچ اسپنرز کے لیے سازگار ہو سکتی ہے .
Pakistan won the toss and elected to bat! #BoysReadyHain l #PAKvAUS pic.twitter.com/LkPbX9j3Vp
— Pakistan Cricket (@TheRealPCB) March 4, 2022
پہلے ٹیسٹ میں قومی ٹیم کی قیادت بابر اعظم کر رہے ہیں جبکہ ٹیم کے دیگر کھلاڑیوں میں امام الحق ، عبداللہ شفیق، اظہر علی ،فواد عالم ، محمد رضوان افتخار احمد، نعمان علی، ساجد خان، نسیم شاہ اور شاہین شاہ آفریدی شامل ہیں،
دوسری جانب مہمان ٹیم آسٹریلیا کی قیادت پیٹ کمنز کر رہے ہیں جبکہ دیگر کھلاڑیوں میں عثمان خواجہ، ڈیوڈ وارنر ، مارنس لے بوشین، اسٹیو اسمتھ، ٹریوس ہیڈ، کیمرون گرین ، ایلکس کیری، مچل اسٹارک، نیتھن لیون اورجوش ہیزل ووڈ شامل ہیں .
Pakistan have won the toss and elected to bat first against Australia #PAKvAUS
— cricket.com.au (@cricketcomau) March 4, 2022
میچ شروع ہونے سے قبل چیف ایگزیکٹو آفیسر پاکستان کرکٹ بورڈ فیصل حسنین نے آسٹریلوی کرکٹ بورڈ میں اپنے ہم منصب نک ہاکلے کے ہمراہ مشترکہ پریس کانفرنس کرتے ہوئے کہا کہ پاکستان کرکٹ کی تاریخ کا آج اہم دن ہے، پاکستان آسٹریلیا کرکٹ سیریز کرکٹ سے بڑھ کر ہے .
پی سی بی چیف ایگزیکٹو فیصل حسنین نے کہا کہ فخر ہے میرے ساتھ کرکٹ آسٹریلیا کے عہدیداران بیٹھے ہیں . فیصل حسنین نے کہا کہ آسٹریلیا کے دورۂ پاکستان پر شکر گزار ہیں، پاکستانی عوام کی جانب سے تمام مہمانوں کو خوش آمدید کہتے ہیں، حالیہ سیریز سے دنیا کو مثبت اور مضبوط پیغام جائے گا .
انہوں نے کہاکہ پاکستانی کرکٹ مداحوں نے آسٹریلوی ٹیم کو دیکھنے کےلئے24 سال انتظار کیا ہے . واضح رہے کہ این سی او سی کے فیصلے کے مطابق 100 فیصد تماشائیوں کو پنڈی اسٹیڈیم میں داخلے کی اجازت ہوگی، پہلے ٹیسٹ کے لیے دستیاب تمام آن لائن ٹکٹیں فروخت ہوچکی ہیں .
