شہود علوی کی بیٹی کی شادی
پاکستان شوبز انڈسٹری کی اُبھرتی ہوئی اداکارہ اور سینئر اداکار شہود علوی کی بیٹی اریبہ علوی نے شادی کرلی . فوٹو اینڈ ویڈیو شیئرنگ ایپ انسٹاگرام پر اریبہ علوی نے اپنے نکاح کی خوبصورت تصاویر شیئر کیں .
View this post on Instagram
اریبہ علوی نے اپنی زندگی کے سب سے خاص موقع پر لال رنگ کے خوبصورت عروسی لباس کا انتخاب کیا جبکہ اُن کے دولہے میاں نے آف وائٹ رنگ کی شیروانی پہنی .
View this post on Instagram
اداکارہ نے اپنی پوسٹ کے کیپشن میں بتایا کہ اُنہوں نے 4 مارچ کو نکاح کیا . زندگی کے اس حسین لمحے پر اریبہ علوی نے اللّٰہ تعالیٰ کا شُکر بھی ادا کیا .
View this post on Instagram
دوسری جانب سوشل میڈیا پر اریبہ علوی کی اپنے والد شہود علوی کے ساتھ بھی تصاویر وائرل ہورہی ہیں .
ان تصاویر میں شہود علوی بیٹی کا ہاتھ تھامے، اُنہیں اسٹیج کی طرف لے جارہے ہیں . سوشل میڈیا صارفین اور شوبز شخصیات کی جانب سے اریبہ علوی کو شادی کی مبارکباد دینے کا سلسلہ جاری ہے .
واضح رہے کہ گزشتہ ماہ ہی اریبہ علوی نے اپنی منگنی کا اعلان کیا تھا، انہوں نے انسٹاگرام پر منگنی کی انگوٹھی دکھاتے ایک تصویر شیئر کی تھی اور بتایا تھا کہ آخر کار میں نے ʼہاںʼ کردی .
اریبہ علوی کو ان کے منگیتر نے ʼٹرٹل بیچʼ پر خوبصورتی سے سجے ساحل پر پروپوز کیا تھا جس کے جواب میں انہوں نے ہاں کردی تھی .
