لاہور (قدرت روزنامہ)جہانگیر ترین کی رہائشگاہ پر پاکستان تحریک انصاف کے رہنماؤں کی آمد کا سلسلہ جاری ہے ، عون چودھری اور اسلم بھروانہ سمیت 16 ایم پی اے جہانگیر ترین کی رہائشگاہ پر پہنچ گئے .
نجی ٹی وی سماء نیوز کے مطابق عون چودھری کی جہانگیر ترین کی رہائشگاہ آمد پر صحافیوں نے انہیں گھیر لیا اور استفسار کیا کہ کیا ہونے جا رہا ہے ، عون چودھری نے کہا کہ علیم خان صاحب بھائی ہیں، ہم انہیں خوش آمدید کہیں گے .
صحافی نے پوچھا کہ کیا آپ حکومت میں ہیں یا اپوزیشن میں ، عون چودھری نے مسکراتے ہوئے جواب دیا تھوڑا سسپنس رہنے دیں ، جو ہوگا بہتر ہوگا .
نجی ٹی وی کے مطابق جہانگیر ترین کی رہائشگاہ پر تین وزراء کی گاڑیاں پہنچ چکی ہیں ، عبدالحئی دستی ، نعمان لنگڑیال ، طاہر رندھاوا، خرم لغاری ، اجمل چیمہ کی آمد بھی کچھ دیر میں متوقع ہے . واضح رہے کہ جہانگیر ترین کی رہائشگاہ پر ہونے والے اجلاس میں جہانگیر ترین ویڈیو لنک کے ذریعے شریک ہوں گے .